କୋଦଳା,୨୯/୦୬(ପିପିଟି):ଗଞ୍ଜାମ ଜିଲ୍ଲା ବେଗୁନିଆପଡା ବ୍ଲକ ସଭା ଗୃହଠାରେ ଶନିବାର ସକାଳ ୧୦ ଘଣ୍ଟ ସମୟରେ ବିଡ଼ିଓ ପ୍ରଜ୍ଞା ପ୍ରିୟଦର୍ଶୀନିଙ୍କ ତତ୍ୱାବଧାନରେ ମହାତ୍ମା ଗାନ୍ଧୀ ନିଶ୍ଚିତ କର୍ମନିଯୁକ୍ତି ଯୋଜନା କାର୍ଯ୍ୟ ଉପରେ ଏକ ସମୀକ୍ଷା ବୈଠକ ଅନୁଷ୍ଠିତ ହୋଇଯାଇଛି । ନିର୍ବାଚନର ସମସ୍ତ ପ୍ରକ୍ରିୟା ସମାପ୍ତ ହୋଇଯାଇଛି । ଅନ୍ୟ ପକ୍ଷରେ ବର୍ଷା ଋତୁର ମଧ୍ୟ ଆଗମନ ହୋଇଯାଇଛି । ସେଥିପାଇଁ କେଉଁ କେଉଁ କାର୍ଯ୍ୟ କରାଯାଇ ପାରିବ ବିଶେଷ କରି ରାସ୍ତାଘାଟ ବ୍ୟକ୍ତିଗତ କାର୍ଯ୍ୟ ଉପରେ ଦୃଷ୍ଟି ଦେବାକୁ ବିଡ଼ିଓ କହିଥିଲେ । ଏଥିସହ ଗାଁ ସାଥି ମାନଙ୍କ ପାରିଶ୍ରମିକ ଯଥାଶୀଘ୍ର ପ୍ରଦାନ ପାଇଁ ବିଡ଼ିଓ ପରାମର୍ଶ ଦେଇଥିଲେ । ଏଥିରେ ସହକାରୀ ଯନ୍ତ୍ରୀ ଗୋପାଳ କୃଷ୍ଣ ଗୌଡ଼,ଏପିଓ ରଞ୍ଜନ କୁମାର ନାହାକ, ସମସ୍ତ କନିଷ୍ଠ ଯନ୍ତ୍ରୀ, ପିଇଓ, ଜିଆରଏସ, ଵିଏଫଟି ଓ ଗାଁ ସାଥିମାନେ ଉପସ୍ଥିତ ଥିଲେ ।
(ରିପୋର୍ଟ- ସୂର୍ଯ୍ୟନାରାୟଣ ବଡୁ ।)