ପୋଲସରା, ୨୯/୮ ପୋଲସରାସ୍ଥିତ ସରସ୍ଵତୀ ଶିଶୁ ବିଦ୍ଯାଭବନ,ତୋଟାସାହି ଠାରେ ବିଦ୍ୟାଳୟସ୍ତରୀୟ ବିଜ୍ଞାନ ମେଳା ଓ ଗଣିତ ମେଳା ଅନୁଷ୍ଠିତ ହୋଇଯାଇଛି। ଉକ୍ତ କାର୍ଯ୍ୟକ୍ରମଟିକୁ ବିଦ୍ୟାଳୟର ସଭାପତି ଶ୍ରୀଯୁକ୍ତ ବୃନ୍ଦାବନ ବେହେରା ଉଦ୍ଘାଟନ କରିଥିଲେ। ବିଦ୍ୟାଳୟର ସମ୍ପାଦକ ଶ୍ରୀଯୁକ୍ତ ଅଗସ୍ତୀ ବରାଡ, କୋଷାଧ୍ୟକ୍ଷ ଶ୍ରୀଯୁକ୍ତ ପଞ୍ଚୁ ପ୍ରଧାନ ଓ ସମସ୍ତ ପରିଚାଳନା କମିଟିବୃନ୍ଦ ଯୋଗଦେଇ ଛାତ୍ରଛାତ୍ରୀମାନଙ୍କ ଉତ୍ସାହ ବଢ଼ାଇଥିଲେ। ବିଜ୍ଞାନ ଓ ଗଣିତ ବିଷୟର ବିଭିନ୍ନ ପ୍ରକଳ୍ପରେ ଛାତ୍ରଛାତ୍ରୀମାନେ ନିର୍ଭୁଲ ପ୍ରଦର୍ଶନ କରି କୃତକାର୍ଯ୍ୟ ହୋଇଥିଲେ। ବିଦ୍ୟାଳୟର ସୁଶାନ୍ତ ଗୁରୁଜୀ, ଅର୍ଚ୍ଚନା ଗୁରୁମା ଓ କାଳୁ ଗୁରୁଜୀ ମୂଲ୍ୟାୟନ ଦାୟିତ୍ୱ ନିର୍ବାହ କରିଥିଲେ। ପରିଶେଷରେ ବିଦ୍ୟାଳୟର ପ୍ରଧାନ ଗୁରୁଜୀ ଶ୍ରୀ ହରପ୍ରସାଦ ଆଚାର୍ଯ୍ୟ ଓ ସମସ୍ତ ଗୁରୁଜୀଗୁରୁମାମାନେ ଧନ୍ୟବାଦ ଅର୍ପଣ କରିଥିଲେ।
ରିପୋର୍ଟ-ସନ୍ତୋଷ କୁମାର ପଣ୍ଡା