ବାଇକ୍ ଦୁର୍ଘଟଣାରେ ଚାଳକ ମୃତ,ଅନ୍ୟ ଜଣେ ଗୁରୁତର ।

ଭଞ୍ଜନଗର ୧୦/୦୩(ପିପିଟି):ଗଞ୍ଜାମ ଜିଲ୍ଲା ଭଞ୍ଜନଗର ଥାନା ସାହାଣାପଲ୍ଲି ନିକଟରେ ମର୍ମଦୁନ୍ତ ସଡ଼କ ଦୁର୍ଘଟଣା ।ବ୍ରିଜରେ ପିଟି ହେଲା ବାଇକ୍ ଜଣେ ମୃତ ଅନ୍ୟ ଜଣେ ଗୁରୁତର।ମୃତକ ଜଣଙ୍କ ହେଲେ ରାଇପଲ୍ଲି ଗ୍ରାମର ସାଗର ଗୌଡ । ଅନ୍ୟଜଣେ ସେହି ଗ୍ରାମର ସନ୍ତୋଷ ଦଳବେହେରା।ଦୁହେଁ ଆଜି ବାଇକ୍ ଯୋଗେ କୌଣସି ଏକ କାମରେ ଭଞ୍ଜନଗର ଆସିଥିଲେ,ତାପରେ କାମ ସାରି ନିଜ ଗାଁ ରାଇପଲ୍ଲୀକୁ ଫେରୁଥିବା ବେଳେ ସାହାଣାପଲ୍ଲୀ ନିକଟରେ ଗାଡ଼ିଟି ଭାରସାମ୍ୟ ହରାଇ ଏକ ବ୍ରିଜ ରେ ପିଟି ହୋଇଯାଇଥିଲା ।ସେଠାରେ ଦୁହେଁ ଗୁରୁତର ଅବସ୍ଥାରେ ପଡ଼ିଥିବା ବେଳେ ସ୍ଥାନୀୟ ଲୋକେ ସେମାନଙ୍କୁ ଉଦ୍ଧାର କରି ଭଞ୍ଜନଗର ମେଡିକାଲରେ ଭର୍ତ୍ତି କରିଥିଲେ।ସେଠାରେ ଡାକ୍ତର ସାଗର ଗୌଡ ଙ୍କୁ ମୃତ ଘୋଷଣା କରିଥିବା ବେଳେ ଅନ୍ୟ ଜଣଙ୍କ ଅବସ୍ଥା ସଙ୍କଟାପନ୍ନ ଥିବାରୁ ପ୍ରାଥମିକ ଚିକିତ୍ସା ପରେ ତାକୁ ବ୍ରହ୍ମପୁର ମେଡ଼ିକାଲକୁ ସ୍ଥାନାନ୍ତର କରାଯାଇଛି ।ମେଡିକାଲରେ ଚାପା ଉତ୍ତେଜନା ଦେଖାଦେଇଥିବା ବେଳେ ଭଞ୍ଜନଗର ପୋଲିସ୍ ପହଞ୍ଚି ପରିସ୍ଥିତିକୁ ନିୟନ୍ତ୍ରଣ କରିଥିଲା।

ରିପୋର୍ଟ୍ -(ଜେ.କେ ପଟ୍ଟନାୟକ)