କେନ୍ଦୁଝର,୨୨/୦୨: କେନ୍ଦୁଝର ପୁରୁଣା ସହର ଠାରେ ପ୍ରଜାପିତା ବ୍ରହ୍ମକୁମାରୀ ଈଶ୍ୱରୀୟ ବିଶ୍ୱବିଦ୍ୟାଳୟର ନୂତନ ପ୍ରାର୍ଥନା ଗୃହ ସୁଖଶାନ୍ତି ସରୋବର ମୁଖ୍ୟମନ୍ତ୍ରୀ ମୋହନ ଚରଣ ମାଝୀଙ୍କ ଦ୍ୱାରା ଉଦଘାଟିତ ହୋଇଯାଇଛି,ଏହି ଭବ୍ୟ ସୁବିଶାଳ ପ୍ରାର୍ଥନା ଗୃହକୁ ଉଦ୍ଘାଟନ କରି ମୁଖ୍ୟମନ୍ତ୍ରୀ କହିଲେ ଯେ ବ୍ୟସ୍ତବିବ୍ରତ ଜୀବନଚର୍ଯ୍ୟାରୁ ମାନସିକ ଆଧ୍ୟାତ୍ମିକ ଶାନ୍ତି ପାଇଁ ପରମାତ୍ମାଙ୍କ ଶରଣ ଅପରିହାର୍ଯ୍ୟ, ମାନବ କଲ୍ୟାଣ ପାଇଁ ସର୍ବଦା କାର୍ଯ୍ୟରତ ବ୍ରହ୍ମାକୁମାର ଭାଇ ଭଉଣୀ ମାନଙ୍କ ତ୍ୟାଗ ତିତିକ୍ଷା ର ପଟାନ୍ତର ନାହିଁ, କେନ୍ଦୁଝର କେନ୍ଦ୍ର ସଂଚାଳିକା ବ୍ରହ୍ମକୁମାରୀ ବିନ୍ଦୁ, ବ୍ରହ୍ମକୁମାରୀ ପ୍ରତିଭା ଅତିଥି ମାନଙ୍କୁ ଚନ୍ଦନ, ଉତ୍ତରୀୟ ପୁଷ୍ପ ଗୁଚ୍ଛ ଦେଇ ସମ୍ବର୍ଦ୍ଧିତ କରିଥିଲେ,ବ୍ରହ୍ମକୁମାରୀ ଅସ୍ମିତା ମଞ୍ଚ ପରିଚାଳନା କରିଥିବାବେଳେ ନାଥମାଲ ଭାଇ ଧନ୍ୟବାଦ ଅର୍ପଣ କରିଥିଲେ, ବିଧାୟକ ଅଖିଳ ବିହାରୀ ନାୟକ, ବିଧାୟକ ଫକୀର ମୋହନ ନାୟକ, ଜିଲ୍ଲାପରିଷଦ ଅଧ୍ୟକ୍ଷା ସାଗରୀକା ସାହୁ, ପୌରାଧ୍ୟକ୍ଷା ନିକୁ ସାହୁ, ଭାଜପା ଜିଲ୍ଲା ସଭାପତି ଶୁକଦେବ ନାୟକ ଅନ୍ୟତମ ଅତିଥିଭାବେ ଯୋଗ ଦେଇଥିଲେ, ବ୍ରହ୍ମାକୁମାରୀ ସୁଲୋଚନା ଦିଦିଜୀ, ବ୍ରହ୍ମକୁମାରୀ କମଲେଶ ଦିଦିଜୀ, ବ୍ରହ୍ମକୁମାରୀ ଜୟନ୍ତୀ ଦିଦିଜୀ ମଞ୍ଚାସୀନ ରହି ଶାନ୍ତି ବାର୍ତ୍ତା ପ୍ରଦାନ କରିଥିଲେ, ରାଜ୍ୟର ବିଭିନ୍ନ ଜିଲ୍ଲାରୁ ଦୁଇହଜାର ରୁ ଊର୍ଦ୍ଧ୍ଵ ବ୍ରହ୍ମକୁମାରୀ ଭାଇ ଭଉଣୀ ଯୋଗ ଦେଇଥିଲେ ।
ପ୍ରଜାପିତା ବ୍ରହ୍ମକୁମାରୀ ଈଶ୍ବରୀୟ ବିଶ୍ବବିଦ୍ୟାଳୟର ନୂତନ ପ୍ରାର୍ଥନା ଗୃହ ମୁଖ୍ୟମନ୍ତ୍ରୀଙ୍କ ଦ୍ବାର ଉଦ୍ଘାଟିତ ।
