ପୋଲସରା,୦୬/୦୧(ପିପିଟି): ଆଜି ପୋଲସରା ରେ ଗୋଟିଏ ପୋଲିସ ସହାୟତା କେନ୍ଦ୍ର ଉଦଘାଟିତ ହୋଇଛି। ସ୍ଥାନୀୟ ଗୋଷ୍ଠୀ ସ୍ବାସ୍ଥ୍ୟ କେନ୍ଦ୍ର ନିକଟରେ ଥିବା ପୁରୁଣା ଥାନା ଗୃହରେ ହୋଇଥିବା ଏହି ସହାୟତା କେନ୍ଦ୍ରକୁ ରାଜ୍ୟ ଶ୍ରମ ରାଷ୍ଟ୍ରମନ୍ତ୍ରୀ ଶ୍ରୀକାନ୍ତ ସାହୁ ଉଦଘାଟନ କରିଥିଲେ। ଏହି ଉଦଘାଟନ ଉତ୍ସବରେ ଦକ୍ଷିଣାଞ୍ଚଳ ଆରକ୍ଷୀ ଉପ ନିର୍ଦ୍ଦେଶକ ସତ୍ୟବ୍ରତ ଭୋଇ ମୂଖ୍ୟ ଅତିଥି ଭାବେ ଯୋଗ ଦେଇଥିଲେ। ଅନ୍ୟ ମାନଙ୍କ ମଧ୍ୟରେ ପୂର୍ବତନ ଗଞ୍ଜାମ ଜିଲ୍ଲା ଆରକ୍ଷୀ ଅଧିକ୍ଷକ ବ୍ରିଜେଶ କୁମାର ସିଂ , ପୁରୁଷୋତ୍ତମ ପୁର ଉପଖଣ୍ଡ ଆରକ୍ଷୀ ଅଧିକାରୀ ରଜନୀ କାନ୍ତ ସାମଲ ଏବଂ ପୋଲସରା ଥାନା ଅଧିକାରୀ ଜିତେନ୍ଦ୍ର କୁମାର ମଳିକ ପ୍ରମୁଖ ଉପସ୍ଥିତ ଥିଲେ। ଏହି ସହାୟତା କେନ୍ଦ୍ରରୁ ପୋଲସରା ଅଞ୍ଚଳକୁ ସିସି ଟିଭି କ୍ୟାମେରା ଦ୍ବାରା ମଧ୍ୟ ନିରୀକ୍ଷଣ କରା ଯାଇପାରିବ ବୋଲି ଜଣାପଡିଛି।
(ରିପୋର୍ଟ- ସନ୍ତୋଷ କୁମାର ପଣ୍ଡା। )