ପୋଲସରା ବିଜେପିର ମିଶ୍ରଣ ପର୍ବ ।

ପୋଲସରା ବିଜେପିର ମିଶ୍ରଣ ପର୍ବ ।

ପୋଲସରା,୩୦/୦୩(ପିପିଟି) :ଆଜି ପୋଲସରା ବିଜେପିର ମିଶ୍ରଣ ପର୍ବ ଅନୁଷ୍ଠିତ ହୋଇଯାଇଛି। ଚିରିକିପଡ଼ାଶାସନ ନରସିଂହପଲ୍ଲୀ ଗ୍ରାମ ନିକଟସ୍ଥ ମହାଦେବ ମନ୍ଦିର ଠାରେ ଅନୁଷ୍ଠିତ ମିଶ୍ରଣ ପର୍ବରେ ପୁର୍ବତନ ଜିଲ୍ଲା ପରିଷଦ ସଭ୍ୟ ତଥା ସମାଜସେବୀ ଜଗନ୍ନାଥ ବାଢେଇଙ୍କ ନେତୃତ୍ୱରେ ବିଭିନ୍ନ ପଞ୍ଚାୟତ ଗୁଡିକରୁ ସରପଂଚ, ନାଏବ୍ ସରପଞ୍ଚ, ସମିତିସଭ୍ୟ, କର୍ମକର୍ତ୍ତା, ସଂଗଠକ ଏବଂ କର୍ମୀମାନେ ବିଜେଡ଼ି ଛାଡି ବିଜେପିରେ ମିଶିଥିଲେ। ଏଥିରେ ପୋଲସରା ବିଧାୟକ ତଥା ମତ୍ସ୍ୟ ପାଣି ସମ୍ପଦ ବିଭାଗ ମନ୍ତ୍ରୀ ଗୋକୁଳାନନ୍ଦ ମଲ୍ଲିକ, ଘୁମୁସର ଜିଲ୍ଲା ବିଜେପି ଉପସଭାପତି, ପ୍ରଭାକର ପଣ୍ଡା, ଚିରିକିପଡ଼ାଶାସନ ପଞ୍ଚାୟତ ସରପଞ୍ଚ ଭଗବାନ ସାହୁ ଓ ନାରୀନେତ୍ରୀ ଆରତୀଦେବୀ ପ୍ରମୁଖ ଯୋଗଦେଇ ଦଳରେ ନୁତନ ଭାବେ ଯୋଗଦେଇଥିବା ସମସ୍ତଙ୍କୁ ଦଳ ତରଫରୁ ସ୍ବାଗତ କରିବାସହ ଦଳୀୟ ଟୋପି ଓ ଉତ୍ତରୀୟ ଦେଇ ଦଳରେ ମିଶାଇଥିଲେ। ଏହି ମିଶ୍ରଣ ପର୍ବରେ ପ୍ରାୟ ୩ହଜାର ମହିଳା ଓ ପୁରୁଷମାନେ ମିଶିଥିଲେ ବୋଲି ଦଳ ତରଫରୁ କୁହାଯାଇଛି। ଶେଷରେ ଜଗନ୍ନାଥ ବାଢ଼େଇ ସମସ୍ତଙ୍କୁ ବ୍ୟକ୍ତିଗତଭାବେ ଆନ୍ତରିକ ଧନ୍ୟବାଦ୍ ଅର୍ପଣ କରିଥିଲେ।

ରିପୋର୍ଟ୍:ସନ୍ତୋଷ କୁମାର ପଣ୍ଡା

Comments (0)
Add Comment