ବାଙ୍ଗିରିପୋଷି,୦୮/୧୦:ପୋଖରୀ ଭିତରୁ ହାତୀ ଛୁଆର ମୃତ ଦେହ ଉଦ୍ଧାର। ଶିମିଳିପାଳ ଅଭୟାରଣ୍ୟର ପାଦଦେଶର ନାଫ୍ରି ପଞ୍ଚାୟତ ଝିଙ୍କପାହାଡି ଗ୍ରାମ ନିକଟରେ ମିଳିଛି ମୃତ ହାତୀ ଛୁଆ । ତିନି-ଚାରି ଦିନ ପୁର୍ବରୁ ମୃତ୍ୟୁ ହୋଇଥିବା ଅନୁମାନ। କିଛି ଦିନ ହେବ ତିରିଶ ଟିକିଆ ହାତୀପଲ ବୁଲାବୁଲି କରୁଥିବାର ଦେଖିବାକୁ ମିଳିଛି। ଗ୍ରାମବାସୀ ମାନେ ପୋଖରୀକୁ ଯାଇଥିବା ବେଳେ ଭାସମାନ ଅବସ୍ଥାରେ ହାତୀ ଛୁଆର ମୃତ ଦେହ ଦେଖିବାକୁ ପାଇଥିଲେ। ବାଙ୍ଗିରିପୋଷି ରେଞ୍ଜ ଅଧିକାରୀ ମହେଶ୍ୱର ସିଂ ପହଞ୍ଚି ତଦନ୍ତ ଆରମ୍ଭ କରିଛନ୍ତି। ହାତୀ ଛୁଆର ବୟସ ଦୁଇ – ତିନି ମାସ ହେବ ବୋଲି ଆକଳନ କରଯାଇଛି। ଶବ ବ୍ୟବଚ୍ଛେଦ ପରେ ମୃତର ପ୍ରକୃତ କାରଣ ଜଣାପଡ଼ିବ।