ସାନଖେମୁଣ୍ଡି,୨୯/୦୪(ପିପିଟି): ଗଞ୍ଜାମ ଜିଲ୍ଲା ପାଟପୁର ଥାନାକୁ ପୁଣି ଏକ ସଫଳତା ମିଳିଛି । ଆଜି ପାଟପୁର ଥାନାଅଧିକାରୀ ସବ୍ୟସାଚୀ ମଲ୍ଲ ଏକ ସାମ୍ୱାଦିକ ସମ୍ମିଳନୀରେ ଡାକି ଏସ.ଡି.ପି.ଓ ଉମା ଶଙ୍କର ସିଂ ସୂଚନା ଦେଇଛନ୍ତି । ଗୁରୁବାର ସନ୍ଧ୍ୟା ୩ଟା ସମୟରେ ଏସ.ଆଇ ମିଲନ ପ୍ରଧାନ ବିଶେଷ କୌଣସି ଏକ ବିଶେଷ ସୂତ୍ରରୁ ଖବର ପାଇ ପାଟପୁର ଘୋଡାହାଡ଼ ନଦୀ ସେତୁ ପଳାସପୁର ନିକଟ କେନାଲ ସାହି ପୁରୁଷୋତ୍ତମ ସାହୁଙ୍କ ଘରେ ପ୍ରଚୁର ପରିମାଣର ଗଞ୍ଜେଇ ଗଛିତ ହୋଇ ରହିଅଛି । ସୂଚନା ପାଇ ସଙ୍ଗେ ସଙ୍ଗେ ପାଟପୁର ଥାନା ଅଧିକାରୀ ସବ୍ୟସାଚୀ ମଲ୍ଲଙ୍କ ନେତୃତ୍ୱରେ ଏକ ଟିମ ଏବଂ ସାନଖେମୁଣ୍ଡି କାର୍ଯ୍ୟନିର୍ବାହୀ ମାଜିଷ୍ଟ୍ରେଟ ତଥା ତହସିଲଦାର ଡଃ.ଶ୍ରୀନିବାସ ବେହେରାଙ୍କ ଉପସ୍ଥିତରେ ପୁରୁଷୋତ୍ତମ ସାହୁଙ୍କ ଘରେ ଚଢ଼ାଉ କରି ଅଭିଯୁକ୍ତକୁ କାବୁ କରିବା ସହିତ ୮୫ କିଗ୍ରା ୮୦୦ ଗ୍ରାମ ଗଞ୍ଜେଇ ଜବତ କରିଥିଲେ । ଯାହାର ଆନୁମାନିକ ମୂଲ୍ୟ ପ୍ରାୟ ୧୦ ଲକ୍ଷ ଟଙ୍କା ହେବ ବୋଲି ଥାନା ପକ୍ଷରୁ ସୂଚନା ମିଳିଛି । ଆଜି ପାଟପୁର ଥାନା ଅଧିକାରୀ ସବ୍ୟସାଚୀ ମଲ୍ଲ ଏବଂ ଏସ.ଆଇ ସାନ୍ତୁନ କୁମାର ଡିଗାଲ ଏକ ସାମ୍ବାଦିକ ସମ୍ମିଳନୀ ଡ଼ାକି ସୂଚନା ଦେଇଛନ୍ତି । ଅଭିଯୁକ୍ତ ପାଟପୁର ଗ୍ରାମର ପୁରୁଷୋତ୍ତମ ସାହୁ (୫୫)ଙ୍କୁ କେସ ନମ୍ବର ୧୩୩/୨୨ ରେ ଗିରଫ କରି କୋର୍ଟ ଚାଲଣ କରିଛନ୍ତି ।