କୋଦଳା,୨୦/୦୧(ପିପିଟି): ଗଞ୍ଜାମ ଜିଲ୍ଲା ବେଗୁନିଆପଡ଼ା ବ୍ଲକ୍ ଅନ୍ତର୍ଗତ ଅଙ୍ଗାରଗାଁ ପଞ୍ଚାୟତର ନୂଆଗଡ ଗ୍ରାମରେ ହାତୀ ପଲ ଦ୍ୱାରା ବ୍ୟାପକ ଫସଲ ନଷ୍ଟ ହୋଇଥିବା ଜଣାପଡ଼ିଛି । ସୂଚନା ମୁତାବକ ରବିବାର ବିଳମ୍ବିତ ରାତ୍ର ରେ ହାତୀ ପଲ ପଶି ନୂଆଗଡ ଗ୍ରାମର ବଳରାମ ପ୍ରଧାନଙ୍କ ଜମିରେ ଲାଗିଥିବା ଫୁଲକୋବି, ପତ୍ର କୋବି, କଦଳୀ, ବାଇଗଣ, ଟମାଟ , ଅମୃତ ଭଣ୍ଡା,ମକା,ନଡ଼ିଆ ଗଛ ଆଦି ଲକ୍ଷାଧିକ ଟଙ୍କାର ବ୍ୟାପକ ଫସଲ ନଷ୍ଟ କରିଛନ୍ତି । ହାତୀ ପଲ ଉକ୍ତ ଫସଲ ଦଳି ଚକଟି ଖାଇବା ସହିତ ବ୍ୟାପକ ନଷ୍ଟ କରିଛନ୍ତି । ଏନେଇ ଚାଷୀ ବଳରାମ ପ୍ରଧାନଙ୍କ ମନୋବଳ ଭାଙ୍ଗି ପଡ଼ିବା ସହିତ ସେ ଦୁଃଖରେ ମିୟମ୍ରାଣ ହୋଇ ପଡ଼ିଛନ୍ତି । ତାଙ୍କୁ ସରକାରୀ ସହାୟତା ପ୍ରଦାନ ନିମନ୍ତେ ସେ ନିବେଦନ କରିଛନ୍ତି । ଏନେଇ ସୁମଣ୍ଡଳ ବନବିଭାଗ କର୍ମକର୍ତ୍ତାଙ୍କୁ ମଧ୍ୟ ସୂଚନା ଦିଆଯାଇଥିଲା । ସୂଚନା ପାଇ ବନ ବିଭାଗର କର୍ମଚାରୀ ମାନେ କ୍ଷତଗ୍ରସ୍ତ ଚାଷୀଙ୍କୁ ଭେଟିଛନ୍ତି । ସେହିପରି ଉକ୍ତ ଗ୍ରାମର ସାଧୁ ବିଷୋୟୀ ଘାଇ ହୁଡାରେ ଲାଗିଥିବା ନଡ଼ିଆ ଗଛ ଏବଂ ଧୋବା ବେହେରାଙ୍କ କଦଳୀ ଗଛ ବ୍ୟାପକ ନଷ୍ଟ କରିଛନ୍ତି ।
ରିପୋର୍ଟ- ସୂର୍ଯ୍ୟନାରାୟଣ ବଡୁ