ମାଲକାନଗିରି, ୨୪/୧୦(ପିପିପି):ସ୍ଥାନୀୟ ଜିଲ୍ଲା ପରିଷଦ ସମ୍ମିଳନୀ କକ୍ଷ ଠାରେ ପରିବାର ଭିତରେ ନାରୀମାନଙ୍କୁ ହିଂସାରୁ ସୁରକ୍ଷା ଅଧିନିୟମ ଆଇନ- ୨୦୦୫ ନେଇ ଏକ ଜିଲ୍ଲା ସ୍ତରୀୟ ପ୍ରଶିକ୍ଷଣ କାର୍ଯ୍ୟକ୍ରମ ଅନୁଷ୍ଠିତ ହୋଇଯାଇଛି । ଏହି କାର୍ଯ୍ୟକ୍ରମରେ ଅତିରିକ୍ତ ଜିଲ୍ଲାପାଳ ସୋମନାଥ ପ୍ରଧାନ ମୁଖ୍ୟ ଅତିଥି ଭାବେ ଯୋଗଦେଇଥିବା ବେଳେ ମୁଖ୍ୟ ଜିଲ୍ଲା ଚିକିତ୍ସା ଅଧିକାରୀ ଡ଼ା ଡୋଳାମଣି ପ୍ରଧାନ, ଜିଲ୍ଲା ସମାଜ ମଙ୍ଗଳ ଅଧିକାରୀ ଗୌରୀ ନାୟକ, ଅତିରିକ୍ତ ଜିଲ୍ଲା ସମାଜ ମଙ୍ଗଳ ଅଧିକାରୀ ମମତା ଚୌଧୁରୀ, ପିଓ କମ ପିଓ ଟି.ଜୟାଲକ୍ଷ୍ମୀ , ଜ଼ିଲ୍ଲା ସଂଯୋଜକ ମହିଳା ସଶକ୍ତିକରଣ ମନି ମୋହନ ସରକାର ପ୍ରମୁଖ ଯୋଗ ଦେଇଥିଲେ। କୌଣସି ମହିଳା ପାରିବାରିକ ହିଂସାର ସମ୍ମୁଖୀନ ନ ହୁଅନ୍ତୁ ଏବଂ ଜିଲ୍ଲାରେ ଥିବା ଗ୍ରାମାଳରେ ମହିଳାମାନଙ୍କୁ ସଚେତନ କରିବାକୁ କୁହାଯାଇଥିଲେ। ଏହି କାର୍ଯ୍ୟକ୍ରମରେ ସିଡ଼ିପିଓ, ସୁପରଭାଇଜର ଓ ଜିଲ୍ଲାର ସମସ୍ତ ମହିଳା ପୋଲିସ ସହାୟକ ଡେସ୍କ କର୍ମଚାରୀ, ଶକ୍ତି ସଦନ , ଓଷ୍ଟାଫ୍ ଓ ଜିଲ୍ଲା ମହିଳା ସଶକ୍ତିକରଣ କେନ୍ଦ୍ର କର୍ମଚାରୀ ଉପସ୍ଥିତ ଥିଲେ । ଏହି ପ୍ରଶିକ୍ଷଣ ଶିବିର ରେ ଦୁଇ ଜଣ ପ୍ରଶିକ୍ଷକ ସାଗର ପାଣିଗ୍ରାହୀ (ଲିଗାଲ ଆଇଡି ଡ଼ିଫେନ୍ସ କାଉନସିଲର) ଓ ହରିଶ ଚନ୍ଦ୍ର ବେହେରା ପରିବାର ଭିତରେ ନାରୀମାନଙ୍କୁ ହିଂସାରୁ ସୁରକ୍ଷା ଅଧିନିୟମ ଆଇନ-୨୦୦୫ ବିଷୟରେ ପ୍ରଶିକ୍ଷଣ ପ୍ରଦାନ କରିଥିଲେ । ଜିଲ୍ଲା ସମାଜ ମଙ୍ଗଳ ବିଭାଗର କର୍ମଚାରୀମାନେ ଏହି କାର୍ଯ୍ୟକ୍ରମକୁ ଆୟୋଜନ କରିଥିଲେ।
(ରିପୋର୍ଟ: ବରିଷ୍ଠ ସାମ୍ବାଦିକ କେଶବ ଚନ୍ଦ୍ର ନାୟକ, ମାଲକାନଗିରି)