କୋଦଳା,୧୩/୦୯(ପିପିଟି):ଜଣେ ନାବାଳିକାକୁ ଅପହରଣ କରି ଫେରାର ଥିବା ଅଭିଯୁକ୍ତକୁ ବେଗୁନିଆପଡା ଥାନା ପୋଲିସ ଗିରଫ କରି ବ୍ରହ୍ମପୁର ପୋସ୍କୋ କୋର୍ଟ ଚାଲାଣ କରାଯାଇଥିବା ଜଣାପଡ଼ିଛି । ସୂଚନା ପ୍ରକାରେ ଦୀର୍ଘଦିନ ହେବ ବେଗୁନିଆପଡା କୁମୁଟି ସାହିରେ ରହୁଥିବା ହୃଷିକେଶ ଅଚାରୀ ନାମକ ଏକ ଯୁବକ,ସେହି ଗ୍ରାମର ଗୋଟିଏ ନାବାଳିକା କନ୍ୟାକୁ ଅପହରଣ କରି ନେଇଯାଇଥିବା ନେଇ ବେଗୁନିଆପଡା ଥାନାରେ ଅଭିଯୋଗ ହୋଇଥିଲା । କିନ୍ତୁ ଅପହରଣ କାରି ଏକ ମାସ ହେବ ବାହାର ରାଜ୍ୟକୁ ପଳାଇଯାଇଥିବା ପୋଲିସ ଜାଣିବା ପରେ, ବିଭିନ୍ନ ଦିଗ ପ୍ରତି ତଦନ୍ତ କରି ହୃଷିକେଶ ଭାଇଜାଗ ରେ ରହୁଥିବା କୌଣସି ସୂତ୍ର ରୁ ଖବର ପାଇ,ମଙ୍ଗଳବାର ତାକୁ ଗିରଫ କରିବାରେ ପୋଲିସ ସଫଳ ହୋଇଥିଲେ । ଗିରଫ ହେବା ପରେ ବ୍ରହ୍ମପୁର ପୋସ୍କୋ ଅଦାଲତକୁ ପଠାଇ ଦିଆଯାଇଥିବା ନେଇ ସବଇନିସପେକ୍ଟର ସଂଗ୍ରାମ ଦେଉରି ପ୍ରକାଶ କରିଛନ୍ତି ।
(ରିପୋର୍ଟ- ସୂର୍ଯ୍ୟନାରାୟଣ ବଡୁ। )