ଦେଓଗାଁ,୧୧/୧୨:ବଲାଙ୍ଗୀର ଜିଲ୍ଲା ଦେଓଗାଁ ଥାନା ଅନ୍ତର୍ଗତ ଦେଓଗାଁ ରେଳ ଷ୍ଟେସନ ନିକଟ ରେ ଘଟିଥିବା ହତ୍ୟାକାଣ୍ଡରେ ଦୁଇ ଜଣଙ୍କୁ ଗିରଫ କରିବାରେ ସଫଳ ହୋଇଛି ଦେଓଗାଁ ପୁଲିସ। ଏନେଇ ହତ୍ୟା କାରୀ କେମିତି ଭାବରେ ହତ୍ୟା କରିଥିଲେ ସେନେଇ ସିନ ମାଧ୍ୟମରେ ଡେମୋ ଦେଖାଇଛି। ହତ୍ୟା ରେ ବ୍ୟବହୃତ ହୋଇଥିବା ପଥର ସହ ଅନ୍ୟ ସାମଗ୍ରୀ କୁ ମଧ୍ୟ ଜବତ କରିଛି ପୁଲିସ। ସାମନ୍ୟ ବଚସାରୁ ପୂର୍ବ ଶତ୍ରୁତାକୁ ନେଇ ହତ୍ୟାକାଣ୍ଡ ଘଟିଥିବା ସୂଚନା ମିଳିଛି।
ସୂଚନାଯୋଗ୍ୟ ଯେ ଗତ କାଲି ଦେଓଗାଁ ରେଳ ଷ୍ଟେସନ ନିକଟରୁ ଏକ ମୁଣ୍ଡ ବିହୀନ ଶବ କୁ ଜବତ କରିଥିଲା ଦେଓଗାଁ ପୁଲିସ । ମିଳିଥିବା ଶବ ଟି ତୁଷୁରା ଥାନା ସିନ୍ଦିରାବାହାଳି ଗାଁ ର ବୁଲୁ ବାଗଙ୍କ ବୋଲି ଚିହ୍ନଟ ହୋଇଥିଲା। ଏନେଇ ତାଙ୍କ ପରିବାର ଲୋକେ ହତ୍ୟା ଅଭିଯୋଗ କରିବା ପରେ ପୁଲିସ ଏକ ମାମଲା ରୁଜୁ କରି ତଦନ୍ତ କୁ ଆଗେଇ ନେଇଥିଲା।