ଭଞ୍ଜନଗର, ୦୫/୧୦(ପିପିଟି): ଆଜିକାଲି ସମସ୍ତେ ନିଜ ଜନ୍ମଦିନକୁ ଏକ ନିଆରା ଢ଼ଙ୍ଗରେ ପାଳନ କରିବା ସହ ଅଧିକ ସ୍ମରଣୀୟ କରିବା ପାଇଁ ବିଭିନ୍ନ ସାମାଜିକ କାର୍ଯ୍ୟକ୍ରମ ହାତକୁ ନେଉଛନ୍ତି।ସେହିପରି ରକ୍ତ ଅଭାବ କୁ ଦୂରୀକରଣ କରିବାରେ ବଳିଷ୍ଠ ଭୂମିକା ଗ୍ରହଣ କରିଥିବା ବିପଦର ବନ୍ଧୁ ଅନୁଷ୍ଠାନର ଭଞ୍ଜନଗର ଶାଖା ପରିଚାଳକ ପ୍ରଦୀପ କୁମାର ଜେନା ନିଜ ଝିଆରୀ ଦେବାଂଶୀ ର ପ୍ରଥମ ଜନ୍ମଦିନ ପାଳନ ଅବସରରେ ନିଜ ଗ୍ରାମ ବାହାଡା ପଦର ଠାରେ ଏକ ସ୍ବେଛାକୃତ ରକ୍ତଦାନ ଶିବିର ଆୟୋଜନ କରିଥିଲେ। ଓସ୍ତା ମାଧ୍ୟମିକ ଶିକ୍ଷକ ସଂଘର ରାଜ୍ୟ ସଭାପତି ସନ୍ତୋଷ ଜେନା ଏବଂ ଅଲୋସ୍ତା ନିମ୍ନ ମଧ୍ୟମିକ ଶିକ୍ଷକ ସଂଘ ର ରାଜ୍ୟ ମୁଖ୍ୟ ଉପଦେଷ୍ଟା ଜଗବନ୍ଧୁ ଜେନା ପ୍ରଥମେ ପ୍ରଦୀପ ପ୍ରଜ୍ବଳନ କରି ଶିବିରକୁ ଉଦଘାଟନ କରିଥିଲେ।ଏଥିରେ ସମୁଦାୟ ୩୦ୟୁନିଟ ରକ୍ତ ଶିବିର ରୁ ସଂଗୃହିତ ହୋଇଛି। ଭଞ୍ଜନଗର ରକ୍ତ ଭଣ୍ଡାରର କର୍ମଚାରୀ ମାନେ ରକ୍ତ ସଂଗ୍ରହ କରିଥିଲେ।ଏଥିରେ ବିପଦର ବନ୍ଧୁ ଅନୁଷ୍ଠାନ ର ସଦସ୍ୟ ମାନେ ରକ୍ତଦାନ କରିବା ସହ ସହଯୋଗ କରିଥିଲେ। ପ୍ରଦୀପ ଜେନାଙ୍କ ଦ୍ୱାରା ଆୟୋଜିତ ଏପରି ମହାନ କାର୍ଯ୍ୟକୁ ତାଙ୍କ ପରିବାର ସମେତ ଅନ୍ୟମାନେ ଭୁୟସୀ ପ୍ରଶଂସା କରିଛନ୍ତି।
ରିପୋର୍ଟ- (ଜେ. କେ ପଟ୍ଟନାୟକ)