ଗଞ୍ଜାମ ଜିଲ୍ଲାରେ ଧାନ କିଣା ପ୍ରକ୍ରିୟା ଓ ଯୋଗାଣ ସମ୍ବନ୍ଧୀୟ ସମୀକ୍ଷା କଲେ ବିଭାଗୀୟ ମନ୍ତ୍ରୀ ।

ଛତ୍ରପୁର,୨୨/୦୨(ପିପିଟି) : ଗଞ୍ଜାମ ଜିଲାରେ ଜୋରଦାର ଚାଲିଛି ଧାନ କିଣା ପ୍ରକ୍ରିୟା । ଏବେ ସୁଦ୍ଧା ରେକର୍ଡ ସଂଖ୍ୟାକ ଧାନ ସଂଗ୍ରହ ହୋଇଥିବା ଯୋଗାଣ ବିଭାଗ ପକ୍ଷରୁ କୁହାଯାଇଛି । ଏନେଇ ଆଜି ଗଞ୍ଜାମ ଗସ୍ତରେ ଆସିଛନ୍ତି ଯୋଗାଣ ମନ୍ତ୍ରୀ କୃଷ୍ଣଚନ୍ଦ୍ର ପାତ୍ର । ଛତ୍ରପୁର ସ୍ଥିତ ସର୍କିଟ ହାଉସରେ ଜିଲ୍ଲାରେ ଧାନ କିଣା ପ୍ରକ୍ରିୟା ଓ ଯୋଗାଣ ସମ୍ବଦ୍ଧୀୟର ସମିକ୍ଷା କରିଛନ୍ତି । ୫୯ ଲକ୍ଷ ୭୪ ହଜାର ୩୦ କୁଇଣ୍ଟାଲ ଧାନ ସଂଗ୍ରହ ପାଇଁ ଲକ୍ଷ୍ୟ ଧାର୍ଯ୍ୟ ରହିଥିବା ବେଳେ ଏଯାବତ ୧ଲକ୍ଷ ୨୪ ହଜାର ୪୮୨ ଜଣ ଚାଷୀଙ୍କ ଠାରୁ ୫୨ ଲକ୍ଷ ୮ ହଜାର ୧୪୯ କୁଇଣ୍ଟାଲ ଧାନ ସଂଗ୍ରହ ହୋଇଛି । ଜିଲାରେ ୯୦ ପ୍ରତିଶତ ଧାନ କିଣା ପ୍ରକ୍ରିୟା ହୋଇଥିବା ବେଳେ ଭଲ କିଣା ଯାଇଛି ବୋଲି କହିଥିଲେ । ଆଉ ୭ ରୁ ୮ ଦିନ ମଧ୍ୟରେ ଶେଷ ହୋଇଯିବ ବୋଲି କହିଥିଲେ । ଏହି ଧାନ କିଣା ପ୍ରକ୍ରିୟା ବେଳେ କାର୍ଯ୍ୟରେ ଅବହେଳା ହେତୁ ୪୦ ଜଣ ମିଲର ଓ କିଛି ଅଧିକାରୀଙ୍କୁ ମଧ୍ୟ କାରଣ ଦର୍ଶାଅ ନୋଟିସ ଜାରି କରାଯାଇଛି । ରାସନ କାର୍ଡ ମଧ୍ୟରେ ସମୀକ୍ଷା ହୋଇଥିଲା । ଠିକ ଲୋକ ଯେପରି ରାସନ କାର୍ଡ ପାଇବେ । ଯାହାର ଇନକମ କମ ଥିବା ତାର ରାସନ କାର୍ଡ କଟିବ ନାହିଁ ।ଯେଉଁ ଅଯୋଗ୍ୟ ସେମାନେ କାର୍ଡ ଫେରେଇବାକୁ କୁହାଯାଇଛି, କିଛି ଫେରେଇଲେନି ବୋଲି କହିଥିଲେ । ଗଞ୍ଜାମ ଜିଲାରେ ୩ଟି ସବଡିଭିଜନରେ ଶୀତଳ ଭଣ୍ଡାର କରାଯିବ । ପରେ ପ୍ରତି ବ୍ଲକରେ କରାଯିବ ଯାହାଫଳରେ ପନିପରିବା ଅଭାବି ବିକ୍ରି ହେବନାହିଁ । ଜିଲ୍ଲାରେ ୯୦ ପ୍ରତିଶତ ରାସନ କାର୍ଡ ହିତାଧିକାରୀ ଇ.କେୱାଇସି ଅପଡେଟ୍ କରିଛନ୍ତି । ଗଞ୍ଜାମ ଜିଲ୍ଲାରେ ୭ ଲକ୍ଷ ୯୩ ହଜାର ୩୦୭ ଜଣ ରାସନକାର୍ଡ ପାଇଥିବା ବେଳେ ସେମାନଙ୍କ ୨୬ ଲକ୍ଷ ୫୦ ହଜାର ୫୦୧ ଜଣ ପରିବାର ସଦସ୍ୟ ଉପକୃତ ହେଉଥିବା ବେଳେ ୨୩ ଲକ୍ଷ ୮୨ ହଜାର ୩୫୮ ଜଣ ଇ.କେୱାଇସି କରିଥିବା ବେଳେ ୨ ଲକ୍ଷ ୬୮ ହଜାର ୧୪୩ ଜଣ ଇ.କେୱାଇସି କରିନାହାନ୍ତି । ଜିଲ୍ଲାରେ ନୂଆ ରାସନ କାର୍ଡ ପାଇବା ପାଇଁ ୧ ଲକ୍ଷ ୨୯ ହଜାର ୨୧୦ ଜଣ ଆବେଦନ କରିଥିବା ସମୀକ୍ଷା ବୈଠକରେ କୁହାଯାଇଛି । ଏହି ବୈଠକରେ ଛତ୍ରପୁର ବିଧାୟକ କୃଷ୍ଣଚନ୍ଦ୍ର ନାୟକ, ଗଞ୍ଜାମ ଜିଲ୍ଲାପାଳ ଦିବ୍ୟଜ୍ୟୋତି ପରିଡାଙ୍କ ସମେତ ଜିଲ୍ଲା ଯୋଗାଣ ଅଧିକାରୀ ପୁଷା ମୁଣ୍ଡାଙ୍କ ସମେତ ବିଭାଗୀୟ ଅଧିକାରୀ ମାନେ ପ୍ରମୁଖ ଉପସ୍ଥିତ ଥିଲେ ।