ଗଞ୍ଜାମରେ ଦୁଇଟି ବଡ ରୋଡ ପ୍ରକଳ୍ପ ହେବ-ଆଇନ ମନ୍ତ୍ରୀ ।

ଛତ୍ରପୁର,୦୬/୦୩:ଗଞ୍ଜାମ ଜିଲାରେ ଆଗାମୀ ଦିନରେ ଦୁଇଟି ବଡ ରୋଡ ପ୍ରକଳ୍ପ ହେବାକୁ ଯାଉଛି ବୋଲି ଛତ୍ରପୁର ଗସ୍ତରେ ଆସିଥିବା ଆଇନ ଓ ଅବକାରୀ ମନ୍ତ୍ରୀ ପୃଥ୍ୱୀରାଜ ହରିଚନ୍ଦନ ଗଣମାଧ୍ୟମକୁ ସୂଚନା ଦେଇଛନ୍ତି । ସୋନାପୁର ରୁ ଭାୟା ଗୋପାଳପୁର ହୋଇ ଋଷିକୁଲ୍ୟା ମହାଣ ପାଖାପାଖି ୩୭ କିମି ପ୍ରର୍ଯ୍ୟନ୍ତ ମେରାଇନ ଡ୍ରାଇଭ ରୋଡ ହେବ । ଯାହାକି ଟୁରିଷ୍ଟକୁ ବୁଷ୍ଟ କରିବା ପାଇଁ ଗୋଟେ ବଡ ଭୂମିକା ଗ୍ରହଣ କରିବ । ତାର ପ୍ରାଥମିକ କମ ଦୁଇ ମାସ ମଧ୍ୟରେ ଆରମ୍ଭ ହେବାକୁ ଯାଉଛି । ସେହିପରି ଓଡିଶାର ଯେଉଁ ଗ୍ରାଣ୍ଟ ଡ୍ରିମ ରୋଡ ପରିପ୍ରକଳ୍ପନା କରାଯାଇଛି ତାର ପ୍ରଥମ ପ୍ରର୍ଯ୍ୟାୟରେ ବ୍ରହ୍ମପୁର ରୁ ଜୟପୁର ଯାହାକି ଏକ ହାଇ ସ୍ପିଡ ରାସ୍ତା ହେବ । ୮ ଘଣ୍ଟାର ରାସ୍ତାକୁ ୩.୩୦ ମିନଟରେ କଭର ହୋଇପାରିବ । ସେହି ରାସ୍ତାର ଶିଳାନ୍ୟାସ ଦୁଇ ରୁ ତିନି ମାସ ମଧ୍ୟରେ ହେବାକୁ ଯାଉଛି । ଏହି ରାସ୍ତା ହେଲେ ବାଣିଜ୍ୟ ପରିବାହନ ସମେତ ଯାତାୟତ ସୁବିଧା ହୋଇପାରିବ । ଜୟପୁର,କୋରାପୁଟ ସହିତ ଗୋପାଳପୁର ପୋର୍ଟ ଏବଂ ବ୍ରହ୍ମପୁର ସହରକୁ ବିଶେଷ କରି ଏନଏଚକୁ ଯୋଡିବା ପାଇଁ ଗୋଟେ ପ୍ରମୁଖ ରାସ୍ତା ହେବ । ଏହି ସବୁ କାମ ପ୍ରକ୍ରିୟା ଆରମ୍ଭ ହେବାକୁ ଯାଉଛି ବୋଲି ମନ୍ତ୍ରୀ କହିଥିଲେ ।