କୋଦଳା,୦୫/୧୨(ପିପିଟି):ଏକ ସ୍କୁଟି ଚୋରି ଘଟଣାରେ କୋଦଳା ପୋଲିସ କୁ ମିଳିଛି ସଫଳତା । କୋଦଳା ଦିଗାପଡ଼ା ରାସ୍ତା ରୁ ଏକ ସ୍କୁଟି ଚୋରି ଅଭିଯୋଗରେ ଜଣେ ଗିରଫ ହୋଇଥିବା ଜଣାପଡିଛି । ପୋଲିସ ର ସୂଚନା ପ୍ରକାରେ ନଭେମ୍ବର ୨୩ ତାରିଖ ଦିବା ୧୧ ଘଣ୍ଟ ସମୟ ରେ କୋଦଳା ଦିଗାପଡ଼ା ରୋଡ଼ ର ମହେଶ୍ୱର ବେହେରା ସବୁଦିନ ପରି ନିଜ ଧଳା ରଙ୍ଗର ସ୍କୁଟି ନିଜ ଘର ସମ୍ମୁଖରେ ରଖିଥିଲେ । କିନ୍ତୁ ଦିବା ସମୟରେ କୌଣସି ଏକ ଦୁର୍ବୁର୍ତ୍ତ ସେହି ସ୍କୁଟିକୁ ଚୋରି କରି ନେଇ ପଳେଇଯାଇଥିଲେ । ଦୀର୍ଘ ଦିନ ନିଜେ ଖୋଜିବା ପରେ ମଧ୍ୟ ନ ପାଇବାରୁ ଡିସେମ୍ବର ୩ତାରିଖ ରେ କୋଦଳା ଥାନାରେ ଲିଖିତ ଏତଲା ଦେଇଥିଲେ । ଏତଲା ପାଇବାପରେ କୋଦଳା ପୋଲିସ ତତ୍ପରତା ପ୍ରକାଶ କରି ସିସିଟିଭି ଫୁଟେଜ ଆଧାରରେ ଖଲିକୋଟ ବ୍ଲକ ବାରସାର ଗ୍ରାମର ଚୋରି ଅଭିଯୁକ୍ତ ଜିତେନ୍ଦ୍ର ଜେନାକୁ ଧରିବାରେ ସଫଳ ହୋଇଥିବା ବେଳେ ଚୋରି ସ୍କୁଟି ସମେତ ଚୋରି ରେ ବ୍ୟବହୃତ ନକଲି ଚାବି ଓ କାଗଜପତ୍ର ମଧ୍ୟ ଜବତ କରା ଯାଇଥିଲା । ଏ ନେଇ କୋଦଳା ଥାନା ପକ୍ଷରୁ କେଶ ନମ୍ବର 579/23 ମାମଲା ରୁଜୁ କରାଯାଇ ଅଭିଯୁକ୍ତକୁ ଗିରଫ କରାଯାଇଥିବା ଜଣା ପଡିଛି । ତେବେ ଜିତେନ୍ଦ୍ର ଜଣେ ପେସାଦାର ଚୋର ଅନେକ ଥାନାରେ ମାମଲା ରହିଥିବା ସୂଚନା ଦେଇଛନ୍ତି କୋଦଳା ଥାନା ଅଧିକାରୀ ଉମାକାନ୍ତ ସାହୁ ପ୍ରକାଶ କରିଛନ୍ତି ।
ରିପୋର୍ଟ – ସୂର୍ଯ୍ୟ ନାରାୟଣ ବଡୁ