କୋଦଳା,୨୬/୧୨(ପିପିଟି):ଗଞ୍ଜାମ ଜିଲ୍ଲା କୋଦଳା ଏନ୍ଏସି ସ୍ଥିତ ଶ୍ରୀ ଦଣ୍ଡେଶ୍ୱରଙ୍କ ପ୍ରାଙ୍ଗଣରେ ଆଜି ବିଜୁ ଜନତା ଦଳର ପ୍ରତିଷ୍ଠା ଉତ୍ସବ ପାଳିତ ହୋଇଯାଇଛି । ଏଥିରେ କବିସୂର୍ଯ୍ୟନଗର ବିଧାୟିକା ଲତିକା ପ୍ରଧାନ ଯୋଗଦେଇ ପ୍ରବାଦ ପୁରୁଷ ବିଜୁ ପଟ୍ଟନାୟକଙ୍କୁ ଅବର୍ତମାନରେ ତାଙ୍କର ଆଦର୍ଶକୁ ନେଇ ୧୯୯୭ ଡିସେମ୍ବର ୨୬ ତାରିଖ ରେ ଗଠନ ହୋଇଥିବା ବିଜୁ ଜନତା ଦଳ ୨୭ ବର୍ଷରେ ପଦାର୍ପଣ କରିବାକୁ ଯାଉଛି। ଏହି ଦୀର୍ଘ ଯାତ୍ରା ପଥରେ ବିଜେଡି କୁ କ୍ରମାଗତ ଭାବେରେ ମିଳିଛି ରାଜ୍ୟବାସୀଙ୍କ ଅସୀମ ଶ୍ରଦ୍ଧା । ନିରବଛିନ୍ନ ନିରଙ୍କୁଶ ସଂଖ୍ୟା ଗରିଷ୍ଟତା । ପ୍ରତି ଦାନରେ ବିଜେଡି ଦେଇଛି ରାଜ୍ୟବାସୀଙ୍କୁ ସ୍ଥିର ସରକାର, ଦୃଢ ଶାସନ,ଅନେକ ଲୋକହିତକର ଯୋଜନା । ଏହି ଯୋଜନାର ସଫଳ ରୂପାୟନ ପାଇଁ ଦଳ ସବୁବେଳେ ଚେଷ୍ଟିତ ବୋଲି ଆଜିର ବକ୍ତବ୍ୟରେ କହିଥିଲେ । ଏଥିସହ ବିଜେଡି କର୍ମୀ ସବୁବେଳେ ଶୃଙ୍ଖଳିତ, ଦଳପ୍ରତି ଆନୁଗତ୍ୟ ଓ ଲୋକଙ୍କ ସେବାରେ ବୋଲି ମଧ୍ୟ କହିଥିଲେ । ଏହି କାର୍ଯ୍ୟକ୍ରମରେ ବେଗୁନିଆପଡା ବ୍ଲକ ଅଧକ୍ଷା ରେଣୁ ଗୌଡ଼ ଉପାଧ୍ୟକ୍ଷ ସୁଧାକର ପ୍ରଧାନ, ବ୍ଲକ ବିଜେଡି ସଭାପତି ସିମାଞ୍ଚଳ ସାମଲ, କବିସୂର୍ଯ୍ୟନଗର ଅଧକ୍ଷା ଏସ.ଲକ୍ଷ୍ମୀ, ସଭାପତି ଭଗବାନ ସ୍ୱାଇଁ, କୋଦଳା ନଗର ସଭାନେତ୍ରୀ ସୁଜାତା ପ୍ରଧାନ, ସମବାୟ ନିର୍ଦ୍ଦେଶକ ହୃଷିକେଶ ମେହେଣା,ପୀତବାସ ଭୂୟାଁଙ୍କ ସମେତ ଜିଲ୍ଲା ପରିଷଦ ସଦସ୍ୟ,ସରପଞ୍ଚ,ସମିତି ସଭ୍ୟ ଓ ବିଜେଡି କର୍ମୀ ଉପସ୍ଥିତ ଥିଲେ ।
(ରିପୋର୍ଟ – ସୂର୍ଯ୍ୟ ନାରାୟଣ ବଡୁ ।)