କବିସୂର୍ଯ୍ୟନଗର,୩୧/୦୩(ପିପିଟି): ବିଜେପି ନେତା ଲକ୍ଷ୍ମୀନାରାୟଣ ପାଇକରାୟ ଓରଫ କୁନା ପାଇକରାୟ ହତ୍ୟାକାଣ୍ଡ ଘଟଣାରେ ୫ ଜଣଙ୍କୁ ଗିରଫ କରିଛି ପୁଲିସ। କବିସୂର୍ଯ୍ୟନଗର ଥାନା ପରିସରରେ ଗଣମାଧ୍ୟମକୁ କୁନା ପାଇକରାୟଙ୍କ ହତ୍ୟାକାଣ୍ଡ ଘଟଣା ସମ୍ପର୍କରେ ଅତିରିକ୍ତ ଏସପି ପ୍ରିୟରଞ୍ଜନ ପୃଷ୍ଟୁ ସୂଚନା ଦେଇଛନ୍ତି। ପୂର୍ବ ଶତୃତାରୁ ଏହି ହତ୍ୟାକାଣ୍ଡ ଘଟିଛି। ହତ୍ୟାକାଣ୍ଡ ଘଟଣାର ମାଷ୍ଟର ମାଇଣ୍ଡ ଆଠଗଡପାଟଣାର ପୂର୍ବତନ ସରପଞ୍ଚ ସୁନୀଲ କୁମାର ପୋଲେଇ ଓରଫ ମିଟୁ ପୋଲେଇ ସମେତ ୫ଜଣଙ୍କୁ ଗିରଫ କରାଯାଇଛି। ମୃତ କୁନା ପାଇକରାୟଙ୍କ ପତ୍ନୀ ଯୋଶବନ୍ତୀ ପୀଠ ଏତଲା କ୍ରମେ ପୁଲିସ କାର୍ଯ୍ୟାନୁଷ୍ଠାନ ଗ୍ରହଣ କରିଛି। ହତ୍ୟାକାଣ୍ଡ ଘଟଣାରେ ସମ୍ପୃକ୍ତ ସୁନୀଲ କୁମାର ପୋଲେଇ(୪୮),ପି- ସ୍ବର୍ଗତ ନବକିଶୋର ପୋଲେଇ,ଗ୍ରାମ- ଆଠଗଡପାଟଣା,ଜିତେନ୍ଦ୍ର କୁମାର ସାହୁ(୩୦),ପିତା-ଧନୁ ସାହୁ,ରୋହିତ ପରିଡା(୪୨),ପିତା-କେଳୁତରଣ ପରିଡା,ଗ୍ରାମ- ସୁନାପଲ୍ଲୀ,ଶ୍ରୀକାନ୍ତ ଗୌଡ(୩୩),ପିତା-ଗୋପାଳ ଗୌଡ, ଗ୍ରାମ-ପଥରାପଲ୍ଲୀ,ଶ୍ରୀକାନ୍ତ ଜେନା (୨୫),ପିତା-ଯୁଧିଷ୍ଟିର ଜେନା, ଗ୍ରାମ-ମର୍ଦ୍ଦରାଜପୁର,ପୋଲସରାଙ୍କୁ ପୁଲିସ ଗିରଫ କରିଛି । ସେମାନଙ୍କ ଠାରୁ ୫ଟି ମୋବାଇଲ ଜବତ କରାଯାଇଛି। ୫ଜଣ ଅଭିଯୁକ୍ତଙ୍କୁ କୋର୍ଟ ଚାଲାଣ କରାଯାଇଛି। ଏହି ହତ୍ୟାକାଣ୍ଡ ଘଟଣାରେ ଅନ୍ଯ ମାନଙ୍କ ସଂପୃକ୍ତି ନେଇ ତଦନ୍ତ ଚାଲୁରହିଛି। ସାମ୍ବାଦିକ ସମ୍ମିଳନୀରେ ପୁରୁଷୋତ୍ତମପୁର ଏସଡିପିଓ ଡକ୍ଟର ଦୀପକ ମିଶ୍ର, କବିସୂର୍ଯ୍ୟନଗର ଆଇଆଇସି ନିରଞ୍ଜନ ଦାଶ ପ୍ରମୁଖ ଉପସ୍ଥିତ ଥିଲେ। ଅଠଗଡପାଟଣାରେ ଶାନ୍ତିଶୃଙ୍ଖଳାକୁ ନଜରରେ ରଖି ପୁଲିସ ମୁତୟନ କରାଯାଇଛି।
(ରିପୋର୍ଟ- ସପ୍ନେଶ୍ବର ପାଣିଗ୍ରାହୀ )