ମାଲକାନଗିରି,ତା:୧୯/୦୯(ପିପିଟି):ଗତ କାଲି ଓର୍କେଲ ପୋଲିସ ପେଟ୍ରୋଲିଂ କରୁଥିବା ସମୟରେ ତିନି ଜଣ ଗଞ୍ଜାଇ ଚୋରା ଚାଲାଣାକାରୀଙ୍କୁ ଗିରଫ କରିବାରେ ସକ୍ଷମ ହୋଇଛି । ସେମାନେ ଗଞ୍ଜେଇକୁ ବସ୍ତାରେ ଭର୍ତ୍ତି କରି ବାଇକ୍ ଯୋଗେ ପରିବହନ କରୁଥିବା ବେଳେ ସେମାନଙ୍କୁ ଠାରୁ ଅର୍କେଲ ଥାନା ପୋଲିସ ୨୧୬ କିଗ୍ରା ଗଞ୍ଜା ଜବତ କରିଛି ।ପ୍ରାପ୍ତ ସୂଚନା ଅନୁସାରେ ଓର୍କେଲ ପୋଲିସ ସୁର୍ଲୁକୋଣ୍ଡା- ତେନ୍ତୁଳିଗୁଡା ରାସ୍ତାରେ ପାଟ୍ରୋଲିଂ କରୁଥିବା ସମୟରେ ଦୁଇଟି ବାଇକ୍ (ଗୋଟିଏ ଟିଭିଏସ୍ ଆପାଚେ ଏବଂ ଗୋଟିଏ ହିରୋ ଗ୍ଲାମର) ଦ୍ବାରା ଗଞ୍ଜାଇ ବସ୍ତା ଛତିଶଗଡକୁ ଚାଲାଣ କରାଯାଉଥିଲା । ପୋଲିସ ଯାଞ୍ଚ କରି ୩ ଜଣଙ୍କୁ ଗିରଫ କିରାବା ସହ ୨ଟି ବାଇକକୁ ଜବତ କରିଥିଲା । ଗିରଫ ହୋଇଥିବା ତିନି ଜଣ ଆସାମୀ ହେଲେ ଏମଭି-୩୦ ଗ୍ରାମର ବରୁଣ ମଜୁମଦାର , ପୁରୁଣା ଓର୍କେଲ ଗ୍ରାମର ରାଜୁ ମାଡକାମି ଏବଂ ସୋରଲୁକୋଣ୍ଡା ଗ୍ରାମର ଭୀମସେନ୍ ମାଡକାମି ।ଆସାମୀମାନଙ୍କ ବିରୁଦ୍ଧରେ ଓର୍କେଲ ଥାନା କେସ୍ ନଂ:୧୭୩/୨୧ ଏନଡିପିଏସ ଆକ୍ଟ ଅନୁସାରେ ମାମଲା ରୁଜୁ କରାଯାଇ କୋର୍ଟକୁ ଚାଲାଣ କରାଯାଇଛି ।
(ରିପୋର୍ଟ:ବରିଷ୍ଠ ସାମ୍ବାଦିକ କେଶବ ଚନ୍ଦ୍ର ନାୟକ,ମାଲକାନଗିରି)