କୋଦଳା,୨୪/୧୧(ପିପିଟି):ଶୁକ୍ରବାର କୋଦଳା ଲକ୍ଷ୍ମୀ ନାରାୟଣ ସ୍ନାତ୍ତକ ମହାବିଦ୍ୟାଳୟ ସଭାଗୃହ ଠାରେ ଓଡ଼ିଆ ଭାଷା ସାହିତ୍ୟର ଆଲୋଚନା ଚକ୍ର ଅଧ୍ୟକ୍ଷ ରଘୁନାଥ ମୁଦୁଲିଙ୍କ ସଭାପତିତ୍ୱରେ ଅନୁଷ୍ଠିତ ଅନୁଷ୍ଠିତ ହୋଇଯାଇଛି । ମୁଖ୍ୟ ଅତିଥି ଭାବେ ମହାବିଦ୍ୟାଳୟ ପରିଚାଳନା କମିଟି ସଭାପତି ଏସ ସୂର୍ଯ୍ୟ ନାରାୟଣ ଦୋରା ଉପସ୍ଥିତ ରହି ଅନୁଷ୍ଠାନିକ ଭାବେ ଉଦଘାଟନ କରି କାର୍ଯ୍ୟକ୍ରମ ଆରମ୍ଭ କରିଥିବା ବେଳେ ଅନ୍ତ ଗୁଣବତ୍ତା ବର୍ଦ୍ଧକ ର ସଂଯୋଜକ ଡଃ ବିଷ୍ଣୁ ଚରଣ ସେଠି ଆଲୋଚନା ଚକ୍ରରେ ଭାଗନେଇ ଏହାର ଆଭିମୁଖ୍ୟ ନାରୀ ଚରିତ୍ର ଉପରେ ପୁଙ୍ଖାନୁପୁଙ୍ଖ ଆଲୋଚନା କରିଥିଲେ । ସମ୍ମାନିତ ଅତିଥି ଭାବେ କେଶପୁର ମହାବିଦ୍ୟାଳୟ ଓଡ଼ିଆ ବିଭାଗୀୟ ମୁଖ୍ୟ ବିଷ୍ଣୁ ପ୍ରସାଦ ଦାଶ ସାଧନା କର୍ମୀ ଭାବେ ନାରୀ ଚରିତ୍ର ଏବଂ ଫକୀର ମୋହନ ସାହିତ୍ୟ ଉପରେ ଆଲୋଚନା କରିଥିଲେ । ଓଡ଼ିଆ ବିଭାଗୀୟ ମୁଖ୍ୟ ରଞ୍ଜୁବାଳା ନନ୍ଦ ନାରୀ ଚରିତ୍ର ର ଆଭିମୁଖ୍ୟ ଓ ନାରୀ ଜାତିର କାର୍ଯ୍ୟ କଳାପ ଉପରେ ଆଲୋକପାତ କରିଥିବା ବେଳେ କାର୍ଯ୍ୟକ୍ରମ ସଂଯୋଜକ ତଥା ଓଡ଼ିଆ ବିଭାଗ ଅଧ୍ୟାପକ ସାଗର ଚାନ୍ଦ ପାତ୍ର ବିଷୟବସ୍ତୁ ଉପରେ ଆଲୋଚନା କରିବା ସହିତ ମଞ୍ଚ ପରିଚାଳନା କରିଥିଲେ । ଛାତ୍ର ଛାତ୍ରୀ ମଧ୍ୟ ନିଜର ବକ୍ତବ୍ୟ ପ୍ରଦାନ କରିଥିବା ବେଳେ ମହାବିଦ୍ୟାଳୟ ର ଅଧ୍ୟାପକ/ଅଧ୍ୟାପିକା ଓ ସମସ୍ତ କର୍ମଚାରୀ ଉପସ୍ଥିତ ଥିଲେ ।
(ରିପୋର୍ଟ – ସୂର୍ଯ୍ୟନାରାୟଣ ବଡୁ।)