ମାଲକାନଗିରି,୨୪/୦୫(ପିପିଟି): ମାଲକାନଗିରି ଜିଲ୍ଲା ରେ ଏବେ ବଜ୍ରକାପ୍ତା ଚୋରା କାରବାରକୁ ଧରିବାରେ ସଫଳ ହୋଇଛି ଓର୍କେଲ ପୋଲିସ । ସୋମବାର ସନ୍ଧ୍ୟାରେ ବିଶେଷ ସୂତ୍ରରୁ ଖବର ପାଇ ଚିତ୍ରକୋଣ୍ଡା ଏସଡିପିଓ ଅଂଶୁମାନ ଦ୍ବିବେଦୀଙ୍କ ନିର୍ଦ୍ଦେଶ କ୍ରମେ ଓର୍କେଲ ଥାନା ଏସ ଆଇ ରାଜେଶ କୁମାର ସେଠି ଓ ବନ ବିଭାଗର ମିଳିତ ଭାବେ ଚିତାପାରୀ ଓ ଉସକାପଲ୍ଲୀ ରାସ୍ତାରେ ୨ ଜଣ ବଜ୍ରକାପ୍ତା ଖୋଳପା ଚାଲାଣ କାରୀ ଙ୍କୁ ଗିରଫ କରିବା ସହ ସେମାନଙ୍କ ଠାରୁ ୧ କେଜି ୯୦୦ ଗ୍ରାମ ର ବଜ୍ରକାପ୍ତା ଖୋଳପା ସହ ଗୋଟିଏ ମଟରସାଇକେଲ ଜବତ କରିବାରେ ସଫଳ ହୋଇଛନ୍ତି ।ଗିରଫ ଦୁଇ ଜଣ ହେଲେ ଉସକାପାଲି ଗ୍ରାମର ଗଙ୍ଗା ମାଡକାମୀ ଓ ଇର୍ମା ସୋଡି । ବଜ୍ରକାପ୍ତା ଖୋଳପାକୁ ଅପରାଧୀ ମନେ ବେଆଇନ ଭାବେ ସଂଗ୍ରହ କରି ବାହାର ରାଜ୍ୟର ଗ୍ରାହକକୁ ଦେବାକୁ ଏକ ବାଇକ ଯୋଗେ ଯାଉଥିବା ସମୟରେ ମାଡି ବସିଥିଲା ପୋଲିସ ଓ ବନ ବିଭାଗ । ଜବତ ଖୋଳପାକୁ ପଡୋଶୀ ଛତିଶଗଡ଼ ଦେଇ ବାହାର ଦେଶକୁ ଚାଲାଣ କରିବାକୁ ଯୋଜନା ଚାଲିଥିବା ସନ୍ଦେହ କରୁଛି ଓର୍କେଲ ପୋଲିସ । ଜବତ ଖୋଳପା ଅନ୍ତର୍ଜାତୀୟ ବଜାରରେ ଲକ୍ଷାଧିକ ଟଙ୍କା ହେବ ।ଗିରଫ ଦୁଇ ଜଣକୁ ଆଜି କୋର୍ଟ ଚାଲାଣ କରାଯାଇଛି ।
(ରିପୋର୍ଟ:ବରିଷ୍ଠ ସାମ୍ବାଦିକ କେଶବ ଚନ୍ଦ୍ର ନାୟକ, ମାଲକାନଗିରି)