ଅସହ୍ୟ ଯନ୍ତ୍ରଣାରେ ଛଟପଟ ଅଜିତ ;ଦୁଇଟି କିଡ଼ନୀ ଖରାପ ;ଆର୍ଥିକ ଅନାଟନ ମଧ୍ୟରେ ପରିବାର ଲୋକ ।

କବିସୂର୍ଯ୍ୟନଗର,୨୪/୧୦; ଅଜିତ ମହାରଣା,ବୟସ ୨୬ବର୍ଷ,ବାପା ରମେଶ ମହାରଣା,କବିସୂର୍ଯ୍ୟନଗର ଗୁଡ଼ିଆଳି ପଞ୍ଚାୟତ ଅନ୍ତର୍ଗତ ଗୁଡ଼ିଆଳି ଛକ ଚାରି ନମ୍ବର ୱାର୍ଡର ବାସିନ୍ଦା । ସୂଚନା ପ୍ରକାରେ ଜାନୁଆରୀ ମାସରୁ ଅସହ୍ୟ ଯନ୍ତ୍ରଣାରେ ଛଟପଟ ହୋଇ ବ୍ରହ୍ମପୁର ମେଡିକାଲ ଯାଇଥିଲେ ଅଜିତ । ମେଡିକାଲ ରିପୋର୍ଟ ଆସିବା ପରେ ଅଜିତ ଜାଣିବାକୁ ପାଇଲେ ଯେ ତାଙ୍କର ଦୁଇଟି ଯାକ କିଡ଼ନୀ ନଷ୍ଟ ହୋଇଯାଇଛି । ଏହା ଶୁଣି ବାପା ରମେଶ ମହାରଣା ଓ ଅଜିତଙ୍କ ମାଙ୍କ ଉପରେ ଅଦୃଶ୍ୟ ବଜ୍ରାଘାତ ହୋଇଥିଲା । ପୂର୍ବରୁ ବଡ ପୁଅ ମଧ୍ୟ ୧୯ବର୍ଷ ବୟସରେ କିଡ଼ନୀ ରୋଗରେ ହିଁ ଆର ପାରିକୁ ଚାଲିଯାଇଥିଲେ । ନିଜର ବୋଲି ଘର ଖଣ୍ଡିଏ ନାହିଁ । ଘର ଭଡାରେ ରହି ନିଜେ ମହାରଣା କର୍ମ କରି ଯେଉଁ ଦୁଇ ପଇସା ରୋଜଗାର କରୁଛନ୍ତି ତାହା ଘରର ଖର୍ଚ୍ଚକୁ ବି ନିଅଣ୍ଟ, ପୁଅର ମେଡିକାଲ ଚିକିତ୍ସା କେମିତି କରିବେ, ଏ ନେଇ ଛଳ ଛଳ ଆଖିରେ କହୁଛନ୍ତି ବାପା ରମେଶ । ଘରେ ବଢିଲା ଝିଅ । ମୁଣ୍ଡ ଉପରେ ଝିଅର ବାହାଘର ଅଛି କିନ୍ତୁ ପୁଅର ଏହି ରୋଗ ଯନ୍ତ୍ରଣା ଭିତରେ ଝିଅର ମଧ୍ୟ ବାହାଘର କରିପାରୁନାହାନ୍ତି ପରିବାର ଲୋକେ । ପ୍ରଶାସନିକ ସ୍ତରରୁ କୌଣସି ସାହାଯ୍ୟ ସହଯୋଗ ମିଳିନଥିବା କହିଛନ୍ତି ଅଜିତଙ୍କ ମା, ପ୍ରତ୍ୟେକ ୭ ଦିନରେ ଥରେ ଡାଇଲିସିଶ ହେବା ନେଇ ଡାକ୍ତରଙ୍କ ପରାମର୍ଶ ରହିଥିଲେ ମଧ୍ୟ ଅର୍ଥ ଅଭାବରୁ ତାହା ବି କରିପାରୁନାହାନ୍ତି |ବର୍ତ୍ତମାନ ଦୀର୍ଘ ୧୫ରୁ ଉର୍ଦ୍ଧ୍ବ ଦିନ ହେବ ଡାଇଲିସିଶ ପ୍ରକ୍ରିୟା ହୋଇ ନପାରି ସେ ମୃତ୍ଯୁ ସହିତ ସଂଗ୍ରାମ କରୁଛନ୍ତି । ଅଜିତଙ୍କ ସ୍ୱାସ୍ଥ୍ୟଗତ ଗଭୀର ସମସ୍ୟାରୁ ମୁକ୍ତି ପାଇବା ପାଇଁ ପରିବାରର ସମସ୍ତ ସଦସ୍ୟ କବିସୂର୍ଯ୍ୟନଗର ବିଧାୟିକାଙ୍କ ସମେତ ପ୍ରଶାସନିକ ଅଧିକାରୀ, ବେସରକାରୀ ଅନୁଷ୍ଠାନ ଓ ସହୃଦୟ ବ୍ୟକ୍ତି ମାନଙ୍କୁ ଆକୁଳ ନିବେଦନ କରିଛନ୍ତି । ଯଦି କେହି ସହୃଦୟ ବ୍ୟକ୍ତି କିଛି ସାହାଯ୍ୟ କରିବାକୁ ଚାହୁଁଛନ୍ତି ତେବେ ନିମ୍ନଲିଖିତ ବ୍ୟାଙ୍କ ଆକାଉଣ୍ଟ ରେ ସାହାଯ୍ୟ କରିପାରିବେ ।
ଆକାଉଣ୍ଟରେ ନାମ -Ajitkumar Maharana
State bank of india
Kabisuryanagar branch
A/C- 35895453463
IFSC Code -SBIN0002073
Google pay/phone pay – 9583245667