ଯାଜପୁର,୦୧/୧୦(ପିପିଟି): ଯାଜପୁର ଜିଲ୍ଲା ଆଇନ ସେବା ପ୍ରାଧିକରଣ ପକ୍ଷରୁ ରସୁଲପୁର ଵ୍ଲକ୍ ଅନ୍ତର୍ଗତ ଜୟନ୍ତୀ ପାଠାଗାର ଦ୍ବାରା ପରିଚାଳିତ ବରିଷ୍ଠ ନାଗରିକ ଆବାସିକ ଗୃହ ପରିସର ରେ ଅନ୍ତଃରାଷ୍ଟ୍ରୀୟ ବରିଷ୍ଠ ନାଗରିକ ଦିବସ ପାଳନ କରାଯାଇଛି।ଏଥିରେ ପ୍ରାଧିକରଣ ର ସଚିବ ଜ୍ୟୋତିର୍ମୟୀ ଦାସ ଅଧ୍ୟକ୍ଷତା କରିଥିଲେ । ଅତିଥି ଆଲୋଚକ ଭାବେ ରସୁଲପୁର ତହସିଲଦାର ନିରଞ୍ଜନ ସାହୁ,ବିଡିଓ ଅଵନୀକାନ୍ତ ସାହୁ ,ପ୍ରାକ୍ତନ ଵ୍ଲକ ଅଧ୍ୟକ୍ଷ ଡ଼ ରୁଦ୍ରନାରାୟଣ ପୃଷ୍ଟି ଓ ସ୍ଥାନୀୟ ସରପଞ୍ଚ ବିକ୍ରମ ବେହେରା ପ୍ରମୁଖ ଯୋଗ ଦେଇ ବରିଷ୍ଠ ନାଗରିକ ମାନଙ୍କ ଅଧିକାର ଏବଂ ସେମାନେ କିପରି ଅନୁଭୂତି ସମ୍ପର୍ଣ ଓ ଅନୁକରଣୀୟ ତାହା ବର୍ଣନା କରିବା ସହିତ ସେମାନଙ୍କ ଭଲ ମନ୍ଦ ରେ ରାଷ୍ଟ୍ର ସେମାନଙ୍କ ସହିତ ରହିଛି ବୋଲି କହିଥିଲେ । ପାଠାଗାର ର ସଭାପତି ସତ୍ୟସୁନ୍ଦର ସାହୁ ସ୍ବାଗତ ଭାଷଣ ଦେଇଥିବା ବେଳେ ସମ୍ପାଦିକା ସରୋଜିନୀ ସାହୁ ଧନ୍ୟବାଦ ଅର୍ପଣ କରିଥିଲେ । କାର୍ଯ୍ୟକ୍ରମ ପରିଚାଳନା ରେ ପ୍ରାଧିକରଣ ର କର୍ମଚାରୀ ଏବଂ ବରିଷ୍ଠ ଆବାସିକ ଗୃହ ର କର୍ମଚାରୀ ସହଯୋଗ କରିଥିଲେ।
(ରିପୋର୍ଟ- ଅକ୍ଷୟ କୁମାର ରାଉତ)