କୋଦଳା,୨୯/୦୮(ପିପିଟି); ଶନିବାର ଦିନ ଏସ. ଛଚିନ। ସ୍ଥିତ ଶ୍ରୀ ଅରବିନ୍ଦ ପୂର୍ଣ୍ଣାଙ୍ଗ ଶିକ୍ଷା କେନ୍ଦ୍ର ଠାରେ ବିଜେଡିର ଏକ ସାଙ୍ଗଠନିକ ବୈଠକ ଅନୁଷ୍ଠିତ ହୋଇଯାଇଛି।ଏଥିରେ କବିସୂର୍ଯ୍ୟ ନଗର ବିଧାୟିକା ଲତିକା ପ୍ରଧାନ ଯୋଗ ଦେଇ ଲୋକଙ୍କ ଅଭିଯୋଗ ଶୁଣିବା ସହ ଏହାର ସମାଧାନ ପାଇଁ କହିଥିଲେ ।ବର୍ତ୍ତମାନ ପରିସ୍ଥିତିରେ ଗୋଷ୍ଟି କନ୍ଦଳ ଭୂଲି ପରସ୍ପର ସହିତ ସହଯୋଗ କରି ସଙ୍ଗଠନକୁ ମଜଭୁତ କରିବାକୁ କହିଥିଲେ। ତୃଣମୂଳ ସ୍ତରକୁ ଯାଇ ଲୋକଙ୍କ ସମସ୍ୟା ବୁଝିବା ସହ ଯୁବ ସମାଜକୁ ସାମିଲ କରିବାକୁ କହିଥିଲେ । ଏଥିରେ ବ୍ଲକ ବିଜେଡ଼ି ସଭାପତି ବିଜୟ କୁମାର ଦୋରା, ପୂର୍ବତନ ଜିଲ୍ଲା ପରିଷଦ ସଦସ୍ୟ ତ୍ରିନାଥ ଭୂୟାଁ ,ପୂର୍ବତନ ସରପଞ୍ଚ ଵିଜୟ କୁମାର ନାୟକଙ୍କ ସମେତ ଚିଙ୍ଗୁଡ଼ିଖୋଲ,ଚନ୍ଦନପୁର ଓ ଏସ. ଛଚିନା ପଞ୍ଚାୟତ ସରପଞ୍ଚ ଓ ବିଜେଡି କର୍ମୀ ଯୋଗଦେଇଥିଲେ ।