ହିଞ୍ଜିଳିକାଟୁ,ତା-୨୧/୦୯(ପିପିଟି) ; ହିଞ୍ଜିଳିକାଟୁ ବ୍ଳକ ଅନ୍ତର୍ଗତ ପୋଡ଼ଙ୍ଗି ଗ୍ରାମରେ ରବିବାର ଏକ ରକ୍ତଦାନ କାର୍ଯ୍ୟକ୍ରମ ପଲ୍ଲୀ ବିକାଶ ସ୍ବେଚ୍ଛାସେବୀ ଅନୁଷ୍ଠାନ ପକ୍ଷରୁ ଅନୁଷ୍ଠିତ ହୋଇଯାଇଛି । ଏହି ରକ୍ତଦାନ କାର୍ଯ୍ୟକ୍ରମରେ ଆଇପିଏସ ଜି.ରାଘେବେନ୍ଦ୍ର ରେଡ୍ଡୀ ମୁଖ୍ୟ ଅତିଥି ଭାବେ ଯୋଗ ଦେଇ ଶୁଭାରମ୍ଭ କରିଥିଲେ । ହିଞ୍ଜିଳି ଭାରପ୍ରାପ୍ତ ଥାନା ଅଧିକାରୀ ସମ୍ମାନିତ ଅତିଥି ଭାବେ ଯୋଗ ଦେଇଥିଲେ । ଆୟୋଜିତ ରକ୍ତଦାନ ଶିବିରରେ ବ୍ରହ୍ମପୁର ରକ୍ତଭଣ୍ଡାରର କାର୍ଯ୍ୟକର୍ତ୍ତା ମାନେ ସ୍ବେଚ୍ଛାସେବୀ ଅନୁଷ୍ଠାନଙ୍କ ସହଯୋଗ ରେ ୨୮ ୟୁନିଟ ରକ୍ତ ସଂଗୃହୀତ ହୋଇଥିଲା । ପ୍ରାଥମିକ ଚିକିତ୍ସା ସରଞ୍ଜାମ ଓ ପ୍ରମାଣପତ୍ର ପ୍ରଦାନକରି ମୂଖ୍ୟ ଓ ସମ୍ମାନିତ ଅତିଥି ଗଣ ରକ୍ତଦାତାଙ୍କ ମନୋବଳ ଓ ଉତ୍ସାହିତ କରିଥିଲେ। ଅନ୍ୟତମ ସମ୍ମାନିତ ଅତିଥି ଭାବେ କେନ୍ଦ୍ରୀୟ ଚଳଚିତ୍ର ଆୟୋଗ ସଭ୍ୟ ତଥା ଶ୍ରୀକାନ୍ତ ପାଢୀ ରକ୍ତଦାତା ଓ ଆୟୋଜନ କରିଥିବା ସ୍ବେଚ୍ଛାସେବୀ ମାନଙ୍କୁ ପ୍ରଶଂସିତ କରି ସେବାକାର୍ଯ୍ୟକୁ ବ୍ଯାପକ କରିବା ପାଇଁ ପରାମର୍ଶ ଦେଇଥିଲେ । ସଂଗଠନର ଉପଦେଷ୍ଟା କିରଣ କୁମାର ପାଢ଼ୀ ସଭା ପରିଚାଳନା କରିଥିଲେ । ସଂପାଦକ ସଂଜୟ କୁମାର ପଣ୍ଡା ଅତିଥି ଗଣ ଓ ରକ୍ତଦାତାଙ୍କୁ ଧନ୍ୟବାଦ ଅର୍ପଣ କରିଥିଲେ ।ସହସମ୍ପାଦକ ଆଲୋକ କୁମାର ନାୟକ ଅତିଥି ମାନଙ୍କୁ ପୁଷ୍ପଗୁଚ୍ଛ ଦେଇ ସମ୍ମାନିତ କରିଥିଲେ । ସ୍ବେଚ୍ଛାସେବୀ ସଗଂଠନ ପଲ୍ଲୀ ବିକାଶ ପୋଡ଼ଙ୍ଗିର କୋଷାଧ୍ୟକ୍ଷ , ପୂର୍ବତନ ସଭାପତି ଓ ସଭ୍ୟ ସହିତ ପୋଡ଼ଙ୍ଗି ଗ୍ରାମର ବହୁତ ଯୁବକ ମାନେ ଏହି ରକ୍ତଦାନ ଶିବିରରେ ଉପସ୍ଥିତ ଥିଲେ ।ଗ୍ରାମର ବହୁ ବୁଦ୍ଧିଜୀବୀ ମାନେ ଏହି କାର୍ଯ୍ଯକ୍ରମକୁ ନେଇ ପ୍ରଶଂସା କରିଥିଲେ । ରିପୋର୍ଟ – ପ୍ରଭୂଦତ୍ତ ପାତ୍ର