ଜଗତସିଂହପୁର,୨୫/୦୬(ପିପିଟି); ଜଗତସିଂହପୁର ଜିଲ୍ଲାର ବିଶିଷ୍ଟ ଯାତ୍ରା ଅଭିନେତା ସ୍ବର୍ଗତ ନାଟ୍ୟଶ୍ରୀ ଆର୍ତ୍ତବନ୍ଧୁ ରାଉତରାୟ ସ୍ମୃତି ପରିଷଦ ପକ୍ଷରୁ ସ୍ଥାନୀୟ ହାଟବଜ଼ାର ସ୍ତିତ ଦୁଖୀରାମ ସ୍ୱାଇଁ କଳାପ୍ରତିଷ୍ଠାନ ପରିସରରେ ଶିକ୍ଷକ ସରୋଜ କୁମାର ଦ୍ୱିବେଦୀଙ୍କ ସଭାପତିତ୍ୱରେ “ଓଡ଼ିଆ ଯାତ୍ରା ନାଟକ ଓ ନାଟ୍ୟଶ୍ରୀ ଆର୍ତ୍ତବନ୍ଧୁ ରାଉତ୍ରାୟ” ଶୀର୍ଷକକୁ ନେଇ ଏକ ଆଲୋଚନାଚକ୍ର ଅନୁଷ୍ଠିତ ହୋଇଯାଇଛି । ଏଥିରେ ମୁଖ୍ୟଅତିଥି ଭାବେ ଅବାସରପ୍ରାପ୍ତ ଅଧ୍ୟାପକ ହିମାଂଶୁ ଶେଖର ଆଚାର୍ଯ୍ୟ ,ଯାତ୍ରା ଅଭିନେତା ଅଶୋକ ରାଉତ ,ବ୍ରଜବିହାରୀ ନୟକ ଓ ଅନ୍ୟାନ୍ୟ ଯାତ୍ରା କଳାକାର , ଶିକ୍ଷ୍ୟାବିତ,ସାମ୍ବାଦିକ, ବୁଦ୍ଧିଜୀବୀ ପ୍ରମୁଖ ଯୋଗ ଦେଇ ନାଟ୍ୟଶ୍ରୀ ଆର୍ତ୍ତବନ୍ଧୁ ରାଉତରାୟଙ୍କ ଯାତ୍ରା ଜଗତକୁ ଅବଦାନ ଉପରେ ଆଲୋଚନା କରିଥିଲେ ଓ ସ୍ମୃତି ପରିଷଦ କିପରି ଆଗକୁ ନାଟ୍ୟଶ୍ରୀ ଆର୍ତ୍ତବନ୍ଧୁ ରାଉତରାୟଙ୍କ ରାଜ୍ୟ ସ୍ତରୀୟ ଜୟନ୍ତୀ ଓ ଶ୍ରIଦ୍ଧ ଉତ୍ସବ ପାଳନ କରାଯିବ ଏହା ଉପରେ ଆଲୋଚନା କରିଥିଲେ । ପ୍ରଥମେ ସ୍ମୃତି ପରିଷଦ ସଦସ୍ୟ ତପନ କୁମାର ରାଉତରାୟ ଅତିଥିମାନଙ୍କ ପରିଚୟ କରିଥିବା ବେଳେ ଶେଷରେ ଦୁଖୀରାମ ସ୍ୱାଇଁ କଳାପ୍ରତିଷ୍ଠାନର ପ୍ରତିଷ୍ଠାତା ଅଜୟ କୁମାର ଗୋଛୟତ ଧନ୍ୟବାଦ ଅର୍ପଣ କରିଥିଲେ ।
(ରିପୋର୍ଟ – ପ୍ରତାପ କୁମାର ସିଂହ। )