କୋଦଳା,୦୩/୦୯(ପିପିଟି); ଗୁରୁବାର ଗଞ୍ଜାମ ଜିଲ୍ଲାପାଳ ବିଜୟ ଅମୃତ କୁଲାଙ୍ଗେ ବେଗୁନିଆପଡା ବ୍ଲକ ଗସ୍ତ କରିବା ସହ ସମସ୍ତ ବିଭାଗୀୟ ମୁଖ୍ଯ ଓ ପଂଚାୟତ ପ୍ରତିନିଧିଙ୍କ ସହ କୋଭିଡ୍ ସଚେତନତା ଉପରେ ଆଲୋଚନା କରିଥିଲେ । ପ୍ରତି ପଂଚାୟତରେ ସ୍ୱାସ୍ଥ୍ୟ ସଚେତନତା ସହ କରୋନାକୁ ପରାସ୍ତ କରିବା ପାଇଁ ତୃଣ ମୂଳ ସ୍ତରରେ ଜନସାଧାରଣଙ୍କୁ ସଚେତନ କରିବାକୁ ଚେଷ୍ଟା କରିବା ପାଇଁ ଅନୁରୋଧ କରିଥିଲେ । ଏହା ସହିତ ସାମାଜିକ ଦୂରତ୍ୱ ରଖିବା, ମlସ୍କ ପିନ୍ଧିବା, ଗହଳି ନକରିବା ଇତ୍ୟାଦି ଉପରେ ସରପଞ୍ଚ ମାନେ ଗୁରୁତ୍ୱ ଦେବା ପାଇଁ ପ୍ରକାଶ କରିଥିଲେ । ତତସହିତ ମୁନାଫାଖୋର ବ୍ୟବସାୟୀ ନିକଟ କୁ ଯାଇ ସାର କଳାବଜାରୀ ରୋକିବା ପାଇଁ ପଦକ୍ଷେପ ନେବା ସକାଶେ ସେ ତହସିଲଦାରଙ୍କୁ କହିଥିଲେ । ଆଜିର ଏହି ସମୀକ୍ଷା ବୈଠକରେ ଛତ୍ରପୁର ଉପଜିଲ୍ଲାପାଳ ପ୍ରିୟ ରଞ୍ଜନ ପୃଷ୍ଟି ବିଡ଼ିଓ ବେଦବର ପ୍ରଧାନ, କୋଦଳା ତହସିଲଦାର ପ୍ରଭାତ କୁମାର ପରିଡାଙ୍କ ସମେତ ସମସ୍ତ ବିଭାଗୀୟ ଅଧିକାରୀ ଓ ଜନ ପ୍ରତିନିଧି ମାନେ ଉପସ୍ଥିତ ଥିଲେ ।