ହିଂଜିଳିକାଟୁ ପୌରପରିଷଦ ତରଫରୁ ସ୍ୱାୟତ ଶାସନ ଦିବସ ପାଳିତ ।

ହିଞ୍ଜିଳିକାଟୁ,ତା-୩୧/୦୮(ପିପିଟି) ; ଆଜି ହିଂଜିଳିକାଟୁ ପୌରପରିଷଦରେ କରୋନା ମହାମାରୀକୁ ଦୃଷ୍ଟିରେ ରଖି ନିରାଡମ୍ବର ଭାବେ ସ୍ୱାୟତ ଶାସନ ଦିବସ ପାଳିତ ହୋଇଯାଇଛି । ଏହି ଅବସରରେ ଜିଲ୍ଲା ସହରାଞ୍ଚଳ ଉନୟନ ପ୍ରକଳ୍ପ ନିର୍ଦେଶକ ସୁଦାମ ଚରଣ ମଣ୍ଡଳ ଯୋଗଦାନ ସହ ପତକା ଉତ୍ତୋଳନ କରିଥିଲେ। ଏହି କାର୍ଯ୍ୟକ୍ରମରେ ହିଂଜିଳି ଗୋଷ୍ଠି ଉନ୍ନୟନ ଅଧିକାରୀ ପ୍ରସନ୍ନ କୁମାର ପାତ୍ର ସମ୍ମାନିତ ଅତିଥି ରୂପେ ଯୋଗ ଦେଇଥିଲେ । ମୁଖ୍ୟ ଅତିଥିଙ୍କ ଦ୍ୱାରା ପତକା ଉତ୍ତୋଳନ ପରେ ପୌର ପରିଷଦ ପରିସରରେ ମୁଖ୍ୟ ଅତିଥି,ସମ୍ମାନିତ ଅତିଥି ଓ ପୌର ପରିଷଦ କର୍ମଚାରୀଙ୍କ ଦ୍ୱାରା ବୃକ୍ଷ ରୋପଣ କାର୍ଯ୍ୟକ୍ରମ କରାଯାଇଥିଲା। ପୌର ପରିଷଦ ତରଫରୁ ଅଞ୍ଚଳରେ କାର୍ଯ୍ୟରତ ସଫେଇ କର୍ମଚାରୀ ମାନଙ୍କୁ ପୋଷାକ ବଣ୍ଟନ କରାଯାଇଥିଲା । ଆଜି ଦିନରେ ଅବସର ଗ୍ରହଣ କରିଥିବା ମୁଖ୍ୟ ରାଜସ୍ୱ ଅସୁଲକାରୀ କୈଳାଶ ଚନ୍ଦ୍ର ସାବତଙ୍କୁ ମୁଖ୍ୟ ଅତିଥି ସୁଦାମ ଚରଣ ମଣ୍ଡଳ, ପୌର ପରିଷଦ କାର୍ଯ୍ୟ ନିର୍ଵାହି ଅଧିକାରୀ ଜଗଦୀଶ ଷଡଙ୍ଗୀ , ହିଂଜିଳି ଗୋଷ୍ଠି ଉନ୍ନୟନ ଅଧିକାରୀ ପ୍ରସନ୍ନ କୁମାର ପାତ୍ର ଏବଂ ପୌରପରିଷଦର ସମସ୍ତ କର୍ମଚାରୀବୃନ୍ଦ ଉପସ୍ଥିତ ରହି ବିଦାୟ କାଳୀନ ସମ୍ବର୍ଦ୍ଧନା ଜ୍ଞାପନ ଜଣାଇଥିଲେ । ଆଜିର କାର୍ଯ୍ୟକ୍ରମଟିକୁ ପୌର ପରିଷଦ କାର୍ଯ୍ୟ ନିର୍ଵାହି ଅଧିକାରୀ ଜଗଦୀଶ ଷଡ଼ଙ୍ଗୀ ସଭାପତିତ୍ୱ କରିଥିଲେ ଓ କନିଷ୍ଠ ଯନ୍ତ୍ରୀ ଦିଲ୍ଲୀପ କୁମାର ମିଶ୍ର,ମାନସ ରଞ୍ଜନ ଦାଶ ପରିଚାଳନା କରିଥିଲେ। ପରିଶେଷରେ କାର୍ଯ୍ୟକ୍ରମଟି ସାମାଜିକ ଦୂରତ୍ୱ ସହ ନିରାଡମ୍ବର ଭାବରେ ପାଳିତ ହୋଇଥିଲା । ରିପୋର୍ଟ – ପ୍ରଭୂଦତ୍ତ ପାତ୍ର ।