ସାର ବୋଝେଇ ଟ୍ରାକ୍ଟର ଦୁର୍ଘଟଣା, ୮ ଆହତ ମଧ୍ୟରୁ ୪ ଗୁରୁତର ।

ରାୟଗଡା,୧୧/୦୯(ପିପିଟି); ରାୟଗଡ଼ା ଜିଲ୍ଲା ଗୁଣପୁର ବାଇପାସ ଛକ ନିକଟରେ ଏକ ସାର ବୋଝେଇ ଟ୍ରାକ୍ଟର ଦୁର୍ଘଟଣାଗ୍ରସ୍ତ ହୋଇଛି ।ଟ୍ରାକ୍ଟର ଟି ଉକମ୍ବା ଠାରୁ ବାୟାଗୁଡା ଯାଉଥିଲା। ସେହି ଟ୍ରାକ୍ଟରରେ ୫୦ ବସ୍ତା ସାର ବୋଝେଇ ହୋଇଥିଲା।ବୟଗୁଡା ଯାଇ ସେଠାରେ ବିଭିନ୍ନ ଚାଷୀ ସାର ନେଇ ଜମିରେ ପକାଇଥାନ୍ତେ। ଟ୍ରାକ୍ଟରରେ ଡ୍ରାଇଭର ସମେତ ୮ ଜଣ ଯାଉଥିଲେ,ସମସ୍ତ ୮ ଜଣ ଯାତ୍ରୀ ଆଘାତ ପ୍ରାପ୍ତ ହୋଇଥିଲେ ମଧ୍ୟ ୪ ଜଣ ଗୁରୁତର ଅଛନ୍ତି। ସେମାନଙ୍କୁ ଗୁଣପୁର ଉପଖଣ୍ଡ ଚିକିତ୍ସାଳୟରେ ଭର୍ତ୍ତି କରାଯାଇ ଚିକିତ୍ସା ଚାଲିଛି। ଗୁରୁତର ୪ ଜଣଙ୍କୁ ଅଧିକ ଚିକିତ୍ସା ନିମନ୍ତେ ବାହାରକୁ ପଠାଇବାର ବ୍ୟବସ୍ଥା କରାହେଉଛି। ଟ୍ରାକ୍ଟରଟି ବୁଲାଣି ସମୟରେ ଲିଙ୍କ ଛାଡିଯିବାରୁ ଟ୍ରାକ୍ଟର ଇଂଜିନିଠାରୁ ଟ୍ରଲି ଅଲଗା ହୋଇ ଦୁର୍ଘଟଣା ଘଟିଥିଲା ବୋଲି ଡ୍ରାଇଭ ସିମାଞ୍ଚଳ ପ୍ରକାଶ କରିଛି। ଗୁଣପୁର ପୋଲିସ ଘଟଣା ସ୍ଥଳରେ ପହଞ୍ଚି ତଦନ୍ତ ଜାରି ରଖିଛି। ରିପୋର୍ଟ – ନବୀନ ନାୟକ ବେହେରା ।