ସାନଖେମୁଣ୍ଡିରେ ଯୋଗେନ୍ଦ୍ର ସ୍ୱାଇଁଙ୍କ ନେତୃତ୍ବରେ ଜୀବନ ବିନ୍ଦୁ କାର୍ଯ୍ୟକ୍ରମର ଶୁଭାରମ୍ଭ ।
ସାନଖେମୁଣ୍ଡି,୨୨/୦୯(ପିପିଟି); ସାନଖେମୁଣ୍ଡି ନିର୍ବାଚନ ମଣ୍ଡଳୀର ରାଧାଦେଇପୁର ପଞ୍ଚାୟତ ଅନ୍ତର୍ଗତ ଉସ୍ତା ଜଗନ୍ନାଥ ପୁର ଗ୍ରାମରେ ମୁଖ୍ୟମନ୍ତ୍ରୀଙ୍କ ସ୍ବତନ୍ତ୍ର ପ୍ରଯୋଜିତ ମୋ ପରିବାର ଓ ଜୀବନ ବିନ୍ଦୁ କାର୍ଯ୍ୟକ୍ରମ ଅନୁଷ୍ଠିତ ହୋଇଯାଇଛି । ବିଜେଡି ରାଜ୍ୟ ପରିଷଦ ସଭ୍ୟ ତଥା ଗଞ୍ଜାମ ଜିଲ୍ଲା ସାଧାରଣ ସମ୍ପାଦକ ଯୋଗେନ୍ଦ୍ର ସ୍ୱାଇଁଙ୍କ ପ୍ରତ୍ୟେକ୍ଷ ସଂଯୋଜନାରେ ଆୟୋଜିତ ଉକ୍ତ କାର୍ଯ୍ୟକ୍ରମରେ ଜୀବନ ବିନ୍ଦୁ ଜିଲ୍ଲା ସଂଯୋଜକ ତଥା ରାଜ୍ୟ ବିଜେଡି ସମ୍ପାଦକ ସୁବାସ ମହାରଣା ଆଜିର କାର୍ଯ୍ୟକ୍ରମକୁ ମୁଖ୍ୟଅତିଥି ଭାବେ ଯୋଗ ଦେଇ କାର୍ଯ୍ୟକ୍ରମକୁ ଉଦ୍ଘାଟନ କରିଥିଲେ । ସମ୍ମାନିତ ଅତିଥିଭାବେ ବିଜେଡି ଜିଲ୍ଲା ସାଧାରଣ ସମ୍ପାଦକ ଜଗନ୍ନାଥ ସାବତ,କୈଳାସ ରଣା,ବ୍ଲକ ଉପାଧ୍ୟକ୍ଷ ଗୋବିନ୍ଦ ସ୍ୱାଇଁ,ଶଙ୍କର ସ୍ୱାଇଁ, ଦିଗପହଣ୍ଡି ଉପାଧ୍ୟକ୍ଷ ନୀର ରେଡି,ପୋଡାମାରି ଯୁବରାଜ କିଶୋର ଦେବ,ରାମକୃଷ୍ଣ ପାଢ଼ୀ ପ୍ରମୁଖ ଯୋଗ ଦେଇଥିଲେ । ବ୍ଲକ ଛାତ୍ର ବିଜେଡି ସଭାପତି କାଳୁ ଚରଣ ନାୟକ,ଯୁବନେତା ଧୀରେନ୍ ରଣା,ସୁନୀଲ ଗୌଡ଼,ନିଳାଞ୍ଚଳ ପ୍ରଧାନ,ବିଜୁ ଯୁବବହିନୀ ସମ୍ପାଦକ ଗୌରୀ ଶଙ୍କର ତ୍ରିପାଠି, ସନ୍ତୋଷ ରାଉତ,ବାସୁଦେବ ପ୍ରଧାନ,ଶିବରାମ ପ୍ରଧାନ ଶିବିର ପରିଚାଳନା କରିଥିଲେ । ଜୀବନ ବିନ୍ଦୁ କାର୍ଯ୍ୟକ୍ରମ ଦ୍ୱାରା ଆଜିର ରକ୍ତ ଦାନ ଉତ୍ସବରେ ସ୍ବେଛାକୃତ ୫୩ ୟୁନିଟ୍ ରକ୍ତ ସଂଗ୍ରହ ହୋଇଥିଲା ଏବଂ ମୋ ପରିବାର କାର୍ଯ୍ୟକ୍ରମ ମାଧ୍ୟମରେ ୮୦୦ ବୃକ୍ଷ ରୋପଣ କରାଯାଇଥିଲା । (ରିପୋର୍ଟ – ଆରତ କୁମାର ହୋତା ।)