ସାଂସଦ ରମେଶ ଚନ୍ଦ୍ର ମାଝିଙ୍କ ଆରୋଗ୍ଯ କାମନାକରି ବିଜେଡି ତରଫରୁ ପୂଜାର୍ଚ୍ଚନା ।

ମାଲକାନଗିରି,ତା:୧୩/୦୯(ପିପିଟି); କିଛି ଦିନ ହେଲା ନବରଙ୍ଗପୁର ସାଂସଦ ରମେଶ ଚନ୍ଦ୍ର ମାଝି କରୋନା ଭୂତାଣୁ ଦ୍ବାରା ଆକ୍ରାନ୍ତ ହୋଇ ଗତ କାଲି ଭୁବନେଶ୍ବର ଚିକିତ୍ସା ଲାଗି ସ୍ଥାନାନ୍ତର କରାଯାଇଥିବା ବେଳେ ତାଙ୍କ ସ୍ବାସ୍ଥ୍ଯର ଆରୋଗ୍ଯ କାମନା କରି ଆଜି ମାଲକାନଗିରି ବିଜେଡିର କର୍ମକର୍ତ୍ତାମାନେ ସ୍ଥାନୀୟ ଭୈରବ ମନ୍ଦିର ଠାରେ ପୂଜାର୍ଚ୍ଚନା କରିଛନ୍ତି । ସେମାନେ କିଛି ସମୟ ପର୍ଯ୍ଯନ୍ତ ଭୈରବଙ୍କ ନିକଟରେ ପ୍ରାର୍ଥନା କରିଛନ୍ତି । ପ୍ରକାଶ ଥାଉକି କିଛି ଦିନ ତଳେ ନବରଙ୍ଗପୁର ସାଂସଦ ରମେଶ ଚନ୍ଦ୍ର ମାଝି କରୋନାରେ ସଂକ୍ରମିତ ହୋଇ ହୋମ କ୍ବାରେଣ୍ଚାଇନରେ ରହିଥିଲା ବେଳେ ପରବର୍ତ୍ତି ସମୟରେ ନବରଙ୍ଗପୁର କୋଭିଡ ହସପିଟାଲରେ ଚିକିତ୍ସା କରାଯାଉଥିଲା । ମାତ୍ର ତାଙ୍କ ସ୍ବାସ୍ଥ୍ଯ ଅବସ୍ଥା ଖରାପ ହେବାରୁ ଉତ୍ତମ ଚିକିତ୍ସା ଲାଗି ଗତ କାଲି ଭୁବନେଶ୍ବର ହସପିଟାଲକୁ ସ୍ଥାନାନ୍ତର କରାଯାଇଛି । ଏହି ଖବର ପ୍ରସାରିତ ହେବା ପରେ ମାଲକାନଗିରି ଜିଲ୍ଲାର କିଛି ବିଜେଡି କର୍ମକର୍ତ୍ତା ସଂସଦ ଶ୍ରୀ ମାଝିଙ୍କ ଆରୋଗ୍ଯ କାମନା କରାଯାଇ ଆଜି ସକାଳେ ଭୈରବ ମନ୍ଦିର ଠାରେ ପୂଜାର୍ଚ୍ଚନା କରିଥିଲେ ।ଏହି ପୂଜାର୍ଚ୍ଚନାରେ ବିଜେଡିର ପୂର୍ବତନ ଜିଲ୍ଲା ସାଧାରଣ ସଂପାଦକ ପ୍ରିତପାଲ ସିଂ,ପୂର୍ବତନ ରାଜ୍ଯ କାର୍ଯ୍ଯକାରେଣୀ ସଦସ୍ଯ ହିଂମାଶୁ ସାମଲ,ମାଲକାନଗିରି ପୌରାଞ୍ଚଳ ସଭାପତି ଡି ନାଗା,ଇଣ୍ଡିୟାନ ରିପୋର୍ଟରସ ଆସୋସିଏସନ ମାଲକାନଗିରି ଜିଲ୍ଲା ସଭାପତି କେଶବ ଚନ୍ଦ୍ର ନାୟକ,ସରକାରୀ ଓକିଲ ଭବାନୀ ଶଙ୍କର ମିଶ୍ର,ସୁଧାଂଶୁ ସାମଲ,ବି କାମେଶ୍ବର ରାଓ ,ସୁବାସ ଦଳେଇ,ଦୀପକ ବୈରାଗୀ ପ୍ରମୁଖ ଉପସ୍ଥିତ ହୋଇଥିଲେ । (ରିପୋର୍ଟ:ବରିଷ୍ଠ ସାମ୍ବାଦିକ କେଶବ ଚନ୍ଦ୍ର ନାୟକ,ମାଲକାନଗିରି)