ବ୍ରହ୍ମପୁର,୧୨/୦୧(ପିପିଟି):ଗଞ୍ଜାମ ଜିଲ୍ଲା ବ୍ରାହ୍ମଣ ପୁରୋହିତ ସମିତିର ୨୭ତମ ବାର୍ଷିକୋତ୍ସବ ବ୍ରହ୍ମପୁର ହିଲ୍ପାଟଣା ସ୍ଥିତ ସଂସ୍କୃତି ଭବନ ଠାରେ ଦୁଇ ଦିନ ସମିତି ର ସଭାପତି ପଣ୍ତିତ ନୀଳମାଧବ ତ୍ରିପାଠୀଙ୍କ ଅଧ୍ୟକ୍ଷତାରେ ଅନୁଷ୍ଠିତ ହୋଇଥିବା ବେଳେ ମୁଖ୍ୟଅତିଥି ଭାବେ ଆସିକା ସାଂସଦ ଅନିତା ପ୍ରିୟଦର୍ଶିନୀ,ମହାନ୍ ସଂଘ ସଭାପତି ବିଶିଷ୍ଟ ସମାଜସେବୀ ସୁଶାନ୍ତ କୁମାର ସାବତ,ବିଶିଷ୍ଟ ଶିକ୍ଷାବିତ୍ ହୟଗ୍ରୀବ ତ୍ରିପାଠୀ,ରାମାଧୀନ ସଂସ୍କୃତ ସ୍ନାତକ ମହାବିଦ୍ୟାଳୟ ଅଧ୍ୟକ୍ଷ ଡକ୍ଟର ହରିହର ଦାସ,ମେକ୍ ମାଇକଲ ସଂସ୍କୃତ ସ୍ନାତକ ମହାବିଦ୍ୟାଳୟ ବ୍ୟାକରଣ ବିଭାଗ ପଣ୍ତିତ ସନାତନ ପଣ୍ଡା, ସମିତିର ଉପଦେଷ୍ଟା ପଣ୍ତିତ ନାରାୟଣ ରଥ, ପଣ୍ତିତ ଉମା ବଲ୍ଲଭ ଦାଶ, ସମ୍ପାଦକ ପଣ୍ତିତ ସନ୍ତୋଷ କୁମାର କର ପ୍ରମୁଖ ମଞ୍ଚାସୀନ ଥିଲେ। ଉକ୍ତ ସଭାରେ ମଞ୍ଚାସୀନ ଅତିଥିଙ୍କ ଦ୍ଵାରା ପ୍ରଥମେ ଦୀପ ପ୍ରଜ୍ବଳନ କରାଯିବା ପରେ ସଭାକାର୍ଯ୍ୟ ଆରମ୍ଭ ହୋଇଥିଲା।ସମ୍ପାଦକ ପଣ୍ତିତ ସନ୍ତୋଷ କୁମାର କର ବିବରଣୀ ପାଠ କରିଥିଲେ। ଏହି ସଭାରେ ଡକ୍ଟର ସୁଧାଂଶୁ ଶେଖର କର, ବିଭୁନନ୍ଦନ ପଣ୍ଡା,ବିଷ୍ଣୁ ପ୍ରସାଦ ଦାଶ, ବାଉରୀବନ୍ଧୁ ଦାଶଙ୍କ ଦ୍ଵାରା ମଞ୍ଚ ପରିଚାଳନା କରିଥିଲେ,ସମିତିର କୋଷାଧ୍ୟକ୍ଷ ପଣ୍ତିତ ସନ୍ତୋଷ ତ୍ରିପାଠୀ ଆୟ ବ୍ୟୟର ବିବରଣୀ ପ୍ରଦାନ କରିଥିବା ବେଳେ ଉପସ୍ଥିତ ସମସ୍ତ ଅତିଥି ବୃନ୍ଦ ବ୍ରାହ୍ମଣ କଣ ବ୍ରାହ୍ମଣଙ୍କ କାର୍ଯ୍ୟକାରିତା ବ୍ରାହ୍ମଣ ଦ୍ଵାରା ସମାଜର କିପରି ହିତ ସାଧନାହୁଏ ତା’ଉପରେ ଆଲୋକପାତ କରିଥିଲେ । ପ୍ରଥମେ ବ୍ରାହ୍ମଣଙ୍କ ପାଦ ଦୌତ,ବେଦ ମନ୍ତ୍ରାନଗିଭୁଟ ଦୀପ ପ୍ରଜ୍ବଳନ,ପୂଜା ହୋମ ଦେବ ଦ୍ଵିଜା ପ୍ରିୟ କୃଷ୍ଣଚନ୍ଦ୍ର ପାଣିଗ୍ରାହୀ ଧର୍ମପତ୍ନୀ ଉଷାରାଣୀ ପାଣିଗ୍ରାହୀଙ୍କ ଦ୍ଵାରା ନିଷ୍କାମ ଅଜପାଜପ ଦ୍ଵାରା ବ୍ରାହ୍ମଣ ଦେବତାଙ୍କ ପୂଜାର୍ଚ୍ଚନା କରାଇଥିଲେ। ପରିଶେଷରେ ସମିତିର ବରିଷ୍ଠ କର୍ମକର୍ତ୍ତା ପଣ୍ତିତ ଉମାକାନ୍ତ ରଥ ଧନ୍ୟବାଦ ଅର୍ପଣ କରିଥିଲେ ।