ବଜ୍ରାଘାତ ଘଟି ୨୩ ଛାତ୍ରଛାତ୍ରୀ ଆହତ ।

ଭଞ୍ଜନଗର, ୧୩/୦୮ (ପିପିଟି):ଗଞ୍ଜାମ ଜିଲ୍ଲା ଭଞ୍ଜନଗର ବ୍ଲକ ଗାଲେରୀ ଉଚ୍ଚ ବିଦ୍ୟାଳୟରେ ବଜ୍ରାଘାତ ଘଟି ବହୁ ଛାତ୍ରଛାତ୍ରୀ ଆହତ ହୋଇଛନ୍ତି।ଆଜି ମଧ୍ୟାହ୍ନରେ ହାଠାତ୍ ଖୁବ ଜୋରରେ ମେଘ ପବନ ହୋଇଥିଲା।ଏହି ସମୟରେ ବିଦ୍ୟାଳୟର ୧୯୫୨ମସିହାରେ ନିର୍ମିତ ବହୁ ପୁରାତନ ଟିଣ ଘରେ ଛାତ୍ରଛାତ୍ରୀ ପାଠ ପଢ଼ୁଥିବା ବେଳେ ହାଠାତ୍ ବଜ୍ରାଘାତ ଘଟି ସେହି କୋଠରୀରେ ଥିବା ଏକ ବିଦ୍ୟୁତ ସୁଇଚ ବୋର୍ଡ଼ରେ ନିଆଁ ଲାଗି ଯାଇଥିଲା।ଏହାର ପ୍ରଭାବରେ ପ୍ରାୟ ୨୩ ଜଣ ଛାତ୍ରଛାତ୍ରୀ ଆହତ ହୋଇଥିଲେ।ସାଙ୍ଗେ ସାଙ୍ଗେ ସେମାନଙ୍କୁ ଗାଲେରୀ ଗୋଷ୍ଠୀ ସ୍ୱାସ୍ଥ୍ୟ କେନ୍ଦ୍ରରେ ଭର୍ତ୍ତି କରାଯାଇଛି।ହେଲେ ଏହି ଅଘଟଣାରେ କେହି ମୃତାହତ ହୋଇ ନଥିବା ବେଳେ ମେଡ଼ିକାଲ ପକ୍ଷରୁ ଆହତମାନଙ୍କୁ ଚିକିତ୍ସା ସୁବିଧା ଯୋଗାଇ ଦିଆଯାଇଛି।ବର୍ତ୍ତମାନ ସେମାନଙ୍କ ସ୍ୱାସ୍ଥ୍ୟବସ୍ଥା ସ୍ଥିର ହେବା ପରେ ଘରକୁ ଫେରି ଥିବା ଜଣାପଡ଼ିଛି।ଖବର ପାଇ ମେଡ଼ିକାଲରେ ଛାତ୍ରଛାତ୍ରୀଙ୍କ ଅଭିଭାବକ ଓ ସ୍ଥାନୀୟ ଜନସାଧାରଣ ପ୍ରବଳ ଭିଡ଼ ପରିଲକ୍ଷିତ ହୋଇଛି।

ରିପୋର୍ଟ- ଜେ. କେ ପଟ୍ଟନାୟକ