ବଜ୍ରପାତ ଘଟି ୬ଗାଈ,୨ବାଛୁରୀ ମୃତ ।

ଭଞ୍ଜନଗର,୦୨/୦୯(ପିପିଟି); ସୋରଡ଼ା ବ୍ଲକ ଧନପୁର ଗ୍ରାମରେ ଗତ ରାତିରେ ହାଠାତ୍ ମେଘ ପବନ ସହ ବଜ୍ରାଘାତ ହୋଇଥିଲା।ଏଥିରେ ଗ୍ରାମ ନିକଟରେ ଥିବା ଗାଈ ଗୋଠରେ ଦେବରାଜ ଗୌଡ଼ଙ୍କର ୬ଟି ଗାଈ,୨ଟି ବାଛୁରୀ ମୃତ୍ୟୁବରଣ କରିଥିବା ବେଳେ ଅନ୍ୟ ୨ଟି ଗାଈ ଗୁରୁତର ଅବସ୍ଥାରେ ଅଛନ୍ତି।ଦେବରାଜ ଅତ୍ୟନ୍ତ ଗରୀବ ଶ୍ରେଣୀର ହୋଇଥିବାରୁ ଧାର କରଜ କରି ଗାଈ କିଣି ସେଥିରେ ପରିବାର ପ୍ରତିପୋଷଣ କରୁଥିଲେ। ମୃତ ଗାଈ ମାନଙ୍କ ଆନୁମାନିକ ମୂଲ୍ୟ ପ୍ରାୟ ୪୦ହଜାର ଟଙ୍କା ହେବ ବୋଲି ଜଣାପଡ଼ିଛି। କିଛି ସରକାରୀ ସାହାଯ୍ୟ ପାଇଲେ ଦେବରାଜ ଉପକୃତ ହେବେ ବୋଲି ଜଣାଇଛନ୍ତି। ରିପୋର୍ଟ – ଜୟକୃଷ୍ଣ ପଟ୍ଟନାୟକ ।