ପୂର୍ବତନ ଉପ-ବାଚସ୍ପତି ପ୍ରହ୍ଲାଦ ଦୋରା ମୂମୁର୍ଷୁ ଅବସ୍ଥାରେ ଏମ୍ସରେ ଭର୍ତ୍ତି ।

ମାଲକାନଗିରି,ତା:୨୮/୦୮(ପିପିଟି); ପୂର୍ବତନ ଉପ-ବାଚସ୍ପତି ପ୍ରହ୍ଲାଦ ଦୋରା ମୂର୍ମୁଷୁ ଅବସ୍ଥାରେ ଭୁବନେଶ୍ବର ଏମ୍ସ ହସପିଟାଲରେ ଭର୍ତ୍ତି ହୋଇଛନ୍ତି Iତାଙ୍କ ଅବସ୍ଥା ସଂକଟାପନ୍ନ ରହିଛି । ତାଙ୍କୁ ଦେଖିବା ପାଇଁ ରାଜ୍ଯ ବିଜେପି ସଭାପତି ସମୀର ମହାନ୍ତି,ପୂର୍ବତନ ମନ୍ତ୍ରୀ ସୁରମା ପାଢି,ଭୃଗୁ ବକ୍ସିପାତ୍ର,ବିଜେପି ରାଜ୍ଯ ମୁଖପାତ୍ର ବିରଞ୍ଚି ତ୍ରିପାଠୀ ପ୍ରମୁଖ ହସପିଟାଲରେ ପହଞ୍ଚି ଆଶୁ ଆରୋଗ୍ଯ ସହ ଦୀର୍ଘ ଜୀବନ କାମନା କରିଥିଲେ । ଶ୍ରୀ ଦୋରା ରୋଗ ଶଯ୍ଯାରେ ୧୮ ଦିନ ହେଲା ପଡି ରହିଛନ୍ତି Iତାଙ୍କ ପେଟରେ ଏକ ଟ୍ଯୁମର ବାହାରି ଥିବା ଲେଳେ ଅସହ୍ଯ ଯନ୍ତ୍ରଣା ଅନୁଭବ କରୁଛନ୍ତି । ସେ କୌଣସି ଖାଦ୍ଯ ଗ୍ରହଣ କରି ପାରୁନାହାଁନ୍ତି । ତାଙ୍କୁ କିଛି ଦିନ ପରେ ଡାକ୍ତରମାନେ ଅପରେସନ କରିବେ ବୋଲି କୁହାଯାଇଛି । ତାଙ୍କ ମୂମୁର୍ଷୁ ଅବସ୍ଥା ଜାଣିଲା ପରେ ଉତ୍କଳ ସାହିତ୍ଯ ସଂସଦ ସଭାପତି ତଥା ମାଲକାନଗିରି ବିଜେଡି ଜିଲ୍ଲା ଉପଦେଷ୍ଟା କେଶବ ଚନ୍ଦ୍ର ନାୟକ ଆଶୁ ଆରୋଗ୍ଯ କାମନା କରିଛନ୍ତି । ପ୍ରହ୍ଲାଦ ଦୋରା ମାଲକାନଗିରି ଜିଲ୍ଲା ଅନ୍ତର୍ଗତ ମାଥିଲି ବ୍ଲକର ପାଙ୍ଗାମ ଗ୍ରାମରେ ୧୮ ସେପ୍ଟେମ୍ବର ୧୯୪୬ ମସିହାରେ ଏକ ଆଦିବାସୀ ପରିବାରରେ ଜନ୍ମ ଗ୍ରହଣ କରିଥିଲେ । ସେ ବିଏ ଏଲଏଲବି ପାଶ କଲା ପରେ ଓକିଲାତି ପେଶାକୁ ଆପଣେଇଥିଲେ । ୧୯୭୧ ମସିହାରେ ଶ୍ରୀ ଦୋରା ଉତ୍କଳ କଂଗ୍ରେସରେ ଯୋଗ ଦେଇ ମାଲକାନଗିରି ନିର୍ବାଚନ ମଣ୍ଡଳୀରୁ ବିଧାୟକ ପ୍ରାର୍ଥି ଭାବେ ନିର୍ବାଚନ ଲଢିଥିଲେ । ୧୯୭୭ ମସିହାରେ ଚିତ୍ରକୋଣ୍ଡା ବିଧାନ ସଭା ନିର୍ବାଚନ ମଣ୍ଡଳୀରୁ ବିଜୁପଟ୍ଟନାୟକଙ୍କ ଜନତା ଦଳରୁ ଟିକେଟ ପାଇ ବିଜୟ ଲାଭ କରିଥିଲେ । ସେ ୧୯୯୦ରେ ପୁନଶ୍ଚ ଜନତା ଦଳରୁ ବିଜୟ ଲାଭ କରିଥିଲା ବେଳେ ୨୦୦୪ରେ ବିଡେଡି ଟିକେଟରେ ଚିତ୍ରକୋଣ୍ଡାରୁ ବିଧାୟକ ଭାବେ ଜୟଯୁକ୍ତ ହୋଇଥିଲେ । ଉପ-ବାଚସ୍ପତି ଭାବେ ୨୦.୦୩.୧୯୯୦ ରୁ ୧୫.୦୩.୧୯୯୫ ଏବଂ ୦୩.୦୭.୨୦୦୪ ରୁ ୦୩.୦୭.୨୦୦୯ ପର୍ଯ୍ଯନ୍ତ ରହିଥିଲେ ।ଶ୍ରୀ ଦୋରା ବିଜୁବାବୁଙ୍କ ମୁଖ୍ଯ ମନ୍ତ୍ରୀତ୍ବ କାଳରେ ଏବଂ ନବୀନବାବୁଙ୍କ ମୁଖ୍ଯ ମନ୍ତ୍ରୀତ୍ବ କାଳରେ ଦୁଇ ଥର ଲେଖାଏଁ ଉପ-ବାଚସ୍ପତି ହେବାର ସୌଭାଗ୍ଯ ଅର୍ଜ୍ଜନ କରିଥିଲେ । ଶ୍ରୀ ଦୋରା ଜଣେ ସଚ୍ଚା ବିଜୁ ପ୍ରେମୀ ଅଟନ୍ତି । ତାଙ୍କ ଆଦର୍ଶରେ ଅନୁପ୍ରାଣିତ ହୋଇ ସଦାସର୍ବଦା ନିର୍ଭିକ ଏବଂ ସଚ୍ଚୋଟ ସ୍ବଭାବକୁ ଅଦ୍ଯାବଧି ଅକ୍ଷୁର୍ଣ୍ଣ ରଖିଛନ୍ତି ।କିଏ ଧନ ପଛରେ ଗୋଡାଏତ କିଏ ଜ୍ଞାନ ପଛରେ ଗୋଡାଏ । କିନ୍ତୁ ଶ୍ରୀ ଦୋରା ସମଗ୍ର ଜୀବନ ଜ୍ଞାନ ପିପାସୁ ଅଟନ୍ତି ।ଖବର କାଗଜ,ମେଗାଜିନ ପଢିବା ତାଙ୍କର ଅଭିରୁଚି । ସେ ଜଣେ ସାହିତ୍ଯପ୍ରେମୀ ଏବଂ ସୁବକ୍ତା ମଧ୍ଯ । ମାଲକାନଗିରି ଜିଲ୍ଲାର ସର୍ବାଙ୍ଗୀନ ଉନ୍ନତି ଲାଗି ସର୍ବଦା ସଂର୍ଘଷ କରିଆସିଛନ୍ତି । ସେ ଜଣେ ବିଜ୍ଞ ବ୍ଯକ୍ତି ହେତୁ ମାଲକାନଗିରି ଜିଲ୍ଲାର ଶିକ୍ଷାର ବିକାଶ ଲାଗି ତତ୍ପରତା ଦେଖାଇ ନିଜ ଉଦ୍ଯମରେ ପାଙ୍ଗାମ ଠାରେ ହାତୀ ରାମ ଗୁରୁ ଉଚ୍ଚ ବିଦ୍ଯାଳୟ ଏବଂ ଗୋବିନ୍ଦ ପାଲ୍ଲୀ ଠାରେ ବିଜୁ ପଟ୍ଟନାୟକ ମହାବିଦ୍ଯାଳୟ ପ୍ରତିଷ୍ଠା କରିଛନ୍ତି । ବିଭିନ୍ନ ପଞ୍ଚାୟକ ଏବଂ ବ୍ଲକଗୁଡିକରେ ସ୍କୁଲ କଲେଜ ପ୍ରତିଷ୍ଠା ଲାଗି ରାଜ୍ଯ ସରକାରଙ୍କୁ ଚାପପ୍ରୟୋଗ କରି କାର୍ଯ୍ଯ କରିବାରେ ସିଦ୍ଧହସ୍ତ ଥିଲେ । ମାଲକାନଗିରିକୁ ସବ-ଡିଭିଜନରୁ ଜିଲ୍ଲାର ମାନ୍ଯତା ଦେବା ପାଇଁ ମୁଖ୍ଯମନ୍ତ୍ରୀ ବିଜୁବାବୁଙ୍କୁ ଦାବି ଉପସ୍ଥାପନ କରିବାରେ ଶ୍ରୀ ଦୋରାଙ୍କ
ମୁଖ୍ଯ ଭୂମିକା ରହିଛି,ଯାହାକି ମାଲକାନଗିରି ଇତିହାସରେ ଏକ କର୍ତ୍ତବ୍ଯନିଷ୍ଠ ନେତା ଭାବେ ପ୍ରହ୍ଲାଦ ଦୋରାଙ୍କ କୀର୍ତ୍ତି ରାଜି ଜନମାନସରେ ଚିରଦିନ ପାଇଁ ଜାଜୁଲ୍ଯମାନ ରହିବେ ।ତାଙ୍କ ହୃଦୟରେ ଗରିବ,ଆଦିବାସୀ, ଦଳିତମାନଙ୍କ ଉତ୍ଥାନ ପାଇଁ ଅହରହ ଆନ୍ଦୋଳିତ ହେଉଥିବା ସମସ୍ତ ମାଲକାନଗିରିବାସୀ ଜାଣନ୍ତି । ଜନତାଙ୍କ ନ୍ଯାଯ୍ଯ ଦାବି ପାଇଁ ଦଳମତ ନିର୍ବିଶେଷରେ ଖୋଜା ପଡେ ସେହି ମହାନୁଭବ ପ୍ରହ୍ଲାଦ ଦୋରଙ୍କୁ । ପ୍ରଶାସନ ଅଧିକାରୀମାନଙ୍କ ଠାରୁ କିପରି ଜନସାଧରଣଙ୍କୁ ସେବା ଯୋଗାଇ ଦେବେ,ସେ ସେଥି ପାଇଁ ପ୍ରତି ମୂହିର୍ତ୍ତରେ ଅଣ୍ଟାଭିଡନ୍ତି ବିନା ସ୍ବାର୍ଥରେ । ଆଜିତ ସବୁଠି ସ୍ବର୍ଥ ଜଡିତ,ଦୁର୍ନୀତିଗ୍ରସ୍ଥ ନେତା ମାଳମାଳ,ମାତ୍ର ଏମିତି ହୃଦୟ ନିର୍ମଳ ତଥା ପରୋପକାରୀ ନେତା ଆଜିକାଲିକା ସମୟରେ ମିଳିବା ଦୁଷ୍ପପ୍ରାପ୍ଯ କହିଲେ ଅତ୍ଯୁକ୍ତି ହେବ ନାହିଁ ।ସେ ମାଲକାନଗିରି ଜିଲ୍ଲାର ଗର୍ବ ଏବଂ ଗୌରବ । ସେ ଚଞ୍ଚଳ ରୋଗ ମୁକ୍ତ ହୁଅନ୍ତୁ
ଏହା ହିଁ ପ୍ରାର୍ଥନା ।
(ରିପୋର୍ଟ:ବରିଷ୍ଠ ସାମ୍ବାଦିକ କେଶବ ଚନ୍ଦ୍ର ନାୟକ,ମାଲକାନଗିରି)