ନିଖିଳ ଓଡ଼ିଶା ଜୀବିକା ସଂଘ ପକ୍ଷରୁ ବିକ୍ଷୋଭ,ବିଡ଼ିଓଙ୍କୁ ଦାବିପତ୍ର ।

ସିମୁଳିଆ,୦୬/୦୨:ରାଜ୍ୟ ସରକାର ପକ୍ଷରୁ ରାଜ୍ୟରେ ଥିବା ମିଶନ ଶକ୍ତିରେ କାର୍ଯ୍ୟରତ ଥିବା ସମସ୍ତ ବିଭାଗର ଇସି ମାନଙ୍କୁ ହଟାଇ ପୁନର୍ଗଠନ ନିମନ୍ତେ ନିର୍ଦ୍ଦେଶ ଦେଇଥିବାରୁ ଆଜି ସିମୁଳିଆ ବ୍ଳକ ସମ୍ମୁଖରେ କାର୍ଯ୍ୟରତ ଇସି ସଭ୍ୟାମାନେ ବିକ୍ଷୋଭ ପ୍ରଦର୍ଶନ କରିବା ସହ ସିମୁଳିଆ ବିଡିଓଙ୍କୁ ଦାବିପତ୍ର ଦେଇଥିବା ଜଣାଯାଇଛି । ସୂଚନାରୁ ପ୍ରକାଶ ରାଜ୍ୟ ସରକାରଙ୍କ ବିଭିନ୍ନ ଯୋଜନାରେ କାର୍ଯ୍ୟ କରୁଥିବା ଇସି ସଭ୍ୟାମାନଙ୍କୁ ଛଟେଇ କରି ପୁନର୍ଗଠନ ନିମନ୍ତେ ନିର୍ଦ୍ଦେଶ ଦେଇଥିବାରୁ ଏହାକୁ ବିରୋଧ କରି ଏବଂ ସ୍ଥାୟୀ ନିଯୁକ୍ତି ଦାବି କରି ସିମୁଳିଆ ବ୍ଳକ ନିଖିଳ ଓଡ଼ିଶା ଜୀବିକା ମିଶନ ଶକ୍ତି ଇସି ସଂଘର ସଭାପତି ଲଷ୍ମୀପ୍ରିୟା ଦାସ ଓ କୋଷାଧ୍ୟକ୍ଷ ଶଙ୍କୁନ୍ତଳା ବେହେରାଙ୍କ ନେତୃତ୍ୱରେ ବହୁ ସଂଖ୍ୟାରେ ଇସି ସଭ୍ୟାମାନେ ବ୍ଳକ ସମ୍ମୁଖରେ ବିକ୍ଷୋଭ ପ୍ରଦର୍ଶନ କରିବା ସହ ଏକ ୬ଦଫା ଦାବି ସମ୍ବଳିତ ଦାବିପତ୍ର ସିମୁଳିଆ ବିଡିଓଙ୍କୁ ଦାବିପତ୍ର ପ୍ରଦାନ କରିଥିଲେ । ସରକାର ଦାବି ନ ମାନିଲେ ଆସନ୍ତା ୧୩ତାରିଖରେ ଅନିର୍ଦ୍ଦିଷ୍ଟ କାଳ ପର୍ଯ୍ୟନ୍ତ ବିଧାନସଭା ସମ୍ମୁଖରେ ଧାରଣାରେ ବସିବାକୁ ଚେତାବନୀ ଦେଇଛନ୍ତି ।