ଦୁଇ ବାଇକ ମୁହାଁମୁହିଁ ,ଦୁଇ ଗୁରୁତର ।

ଉଲୁଣ୍ଡା,(ପିପିଟି)୧୨/୦୬, ସୁବର୍ଣ୍ଣପୁର ଜିଲ୍ଲା ଖମ୍ବେଶ୍ୱରୀ ପାଲି ଛକ ନିକଟରେ ଏକ ସଡକ ଦୁର୍ଘଟଣାରେ ଦୁଇ ଜଣ ଯୁବକଙ୍କ ଅବସ୍ଥା ଗୁରୁତର ହୋଇପଡିଛି ।ସୋନପୁର ବଲାଙ୍ଗୀର ୫୭ ନମ୍ବର ଜାତୀୟ ରାଜପଥ ଖମ୍ବେଶ୍ୱରୀ ପାଲି ଛକ ନିକଟରେ ଦୁଇ ଜଣ ଯୁବକ ଗୋଟିଏ ମୋଟର ସାଇକେଲ ଯୋଗେ ସୋନପୁର ସହରରୁ ତରଭା ବ୍ଲକ ଅନ୍ତର୍ଗତ ନିଜ ଗାଁ ତାଳପାଲିକୁ ଫେରୁଥିବା ବେଳେ ବିପରୀତ ଦିଗରୁ ଆସୁଥିବା ଆଉ ଏକ ମୋଟର ସାଇକେଲରେ ମୁହାଁମୁହିଁ ଧକ୍କା ହୋଇଥିଲା । ଫଳରେ ଉଭୟ ଯୁବକ ରାସ୍ତା କଡ଼କୁ ଛିଟିକି ପଡ଼ିଥିଲେ । ଘଟଣା ସ୍ଥଳରେ ସୁବର୍ଣ୍ଣପୁର ଦମକଳ ବାହିନୀ ପହଂଚି ଦୁଇ ଗୁରୁତର ଯୁବକଙ୍କୁ ସୁବର୍ଣ୍ଣପୁର ମୁଖ୍ୟ ଚିକିତ୍ସାଳୟରେ ଭର୍ତ୍ତି କରିଛନ୍ତି ।ଉଭୟ ଯୁବକ ତରଭା ବ୍ଲକ ତାଳପାଲି  ଗାଁର ପ୍ରଦୀପ ସାହୁ ଓ ଦିଲ୍ଲୀପ ନାଗ ବୋଲି ଜଣା ପଡ଼ିଛି। ଉଭୟଙ୍କ ସ୍ୱାସ୍ତ୍ୟବସ୍ଥା ଗୁରୁତର ଥିବାରୁ ସେମାନଙ୍କୁ ବୁର୍ଲା ଡାକ୍ତରଖାନାକୁ ସ୍ଥାନାନ୍ତର କରାଯାଇଛି ।
ରିପୋର୍ଟ- ଶାନ୍ତନୁ କୁମାର କର୍ଣ୍ଣ ।