ଝୁଲନ୍ତା ଅବସ୍ଥାରେ ମୃତ ଦେହ ଉଦ୍ଧାର,ପରିବାର ଲୋକେ ଆଣିଲେ ହତ୍ୟା ଅଭିଯୋଗ ।

ସାନଖେମୁଣ୍ଡି,୦୬/୦୯(ପିପିଟି); ସାନଖେମୁଣ୍ଡି ବ୍ଲକ ଅନ୍ତର୍ଗତ ରାମଚନ୍ଦ୍ର ପୁର ଗ୍ରାମର ପି- ଅମିନ ବିଶୋୟୀଙ୍କ ପୁତ୍ର ରାହୁଲ ବିଶୋୟୀ ବୟସ (୧୭)ଙ୍କ ମୃତ ଶରୀର ଝୁଲନ୍ତା ଅବସ୍ଥାରେ ଏକ ଜାମୋକୋଳି ଗଛରେ ଦେଖିବାକୁ ମିଳିଥିଲା । ଖବର ପାଇ ପାଟପୁର ଥାନା ଅଧିକାରୀ ଅଜୟ ବାରିକ,ସାଇଣ୍ଟିଫିକ ଟିମ, ଅନୁସନ୍ଧାନକାରୀ କୁକୁର ସହିତ ଘଟଣା ସ୍ଥଳରେ ପହଞ୍ଚି ତଦନ୍ତ ଆରମ୍ଭ କରିଥିଲେ । ପୋଲିସ ସୂଚନାନୁସାରେ ଏହା ଏକ ଆତ୍ମହତ୍ୟା ହୋଇଥାଇପାରେ ବୋଲି ଅନୁମାନ କରାଯାଉଛି ଏବଂ ପୋଷ୍ଟମର୍ଟମ୍ ରିପୋର୍ଟ ଆସିଲେ ସମ୍ପର୍ଣ୍ଣ ତଥ୍ୟ ଜଣାପଡିବ ବୋଲି ଥାନା ଅଧିକାରୀ କହିଛନ୍ତି । ପୋଲିସ କେଶ ନଂ ୧୯/୨୦ ଏକ ଅପମୃତ୍ୟ ମାମଲା ରୁଜୁ କରି ତଦନ୍ତ ଚଳାଇଛନ୍ତି କିନ୍ତୁ ମୃତ ବ୍ୟକ୍ତିର ପରିବାର ଲୋକେ ହତ୍ୟା ର ଅଭିଯୋଗ ଆଣିଛନ୍ତି । ରାହୁଲ ବିଶୋୟୀଙ୍କ ପିତା ଅମିନ ବିଶୋୟୀ ତାଙ୍କ ପୁତ୍ରକୁ କେହି ମାରି ଗଛରେ ଝୁଲେଇ ଦେଇଥିବା ଅଭିଯୋଗ କରିଛନ୍ତି । ସୂଚନା ଅନୁସାରେ ଗତ କାଲି ରାତ୍ର ସମୟରେ ରାହୁଲ ବିଶୋୟୀ ବାହାରକୁ ଯାଇ ଆଉ ଘରକୁ ଫେରିନଥିଲେ । ଘର ଲୋକ ଚାରିଆଡେ ଖୋଜାଖୋଜି କରିଥିଲେ ମଧ୍ୟ ରାହୁଲ ମିଳିନଥିଲେ । ଆଜି ଭୋର ସକାଳୁ କେହିଜଣେ ଲୋକ ଗଛରେ ଝୁଲନ୍ତା ଶବକୁ ଦେଖି ଗ୍ରାମବାସୀଙ୍କୁ ଖବର ଦେଇଥିଲେ । ଗ୍ରାମର ଲୋକେ ଦେଖି ପୋଲିସ୍ କୁ ଖବର ଦେଇଥିଲେ । ସେ ପାଟପୁର କଲେଜର ପ୍ଲସଟୁ ଦ୍ୱିତୀୟ ବର୍ଷର ଛାତ୍ର ଥିଲେ । ପରିବାର ଲୋକେ ଏହାର ସମ୍ପୂର୍ଣ୍ଣ ତଦନ୍ତ କରି ତାଙ୍କ ପୁତ୍ରକୁ ନ୍ୟାୟ ମିଳୁ ବୋଲି ଦାବି କରିଛନ୍ତି । ରିପୋର୍ଟ – ଆରତ କୁମାର ହୋତା ।