ଜୁଆ ଅଡ୍ଡା ଉପରେ ଚଢ଼ାଉ, ୫ ଗୋଟି ବାଇକ ଜବତ ।

ପଦ୍ମପୁର,୨୧/୦୯(ପିପିଟି); ବରଗଡ ଜିଲ୍ଲା ଝାରବନ୍ଧ ପୋଲିସ ଉଦ୍ୟମ କ୍ରମେ ଏକ ଜଙ୍ଗଲ ମଧ୍ୟରେ ରେଡ କରି ଜୁଆ ଅାଡ୍ଡା ଉପରେ ଚଢ଼ାଉ କରିଥିଲେ । ବିଶେଷ ସୂତ୍ରରୁ ଖବର ପାଇ ଝାରବନ୍ଧ ଥାନା ଅଧିକାରୀ ଠାକୁର ଦାସ ମୁର୍ମୁ ସଦଳବଳେ ଘୁଚାପାଲି ଜଙ୍ଗଲ ଭିତରେ ପ୍ରାୟ ୪ କି.ମି ଚାଲି ଚାଲି ଯାଇ ଜଙ୍ଗଲ ମଝିରେ ଚାଲୁଥିବା ଘୁଡୁ ଘୁଡୁ ପଟି ଉପରେ ଚଢ଼ାଉ କରିଥିଲେ । ପୋଲିସ ଦଳକୁ ଦେଖି ସମସ୍ତ ଜୁଆଡି ଛିନ ଛତର ହୋଇ ଜଙ୍ଗଲ ଭିତରକୁ ଫେରାର ହୋଇ ଯାଇଥିଲେ । ସେହି ଜାଗାରେ ୫ ଟି ବାଇକ, ଜୁଆ ଖେଳର ସାମଗ୍ରୀ, ନଗଦ ୨୨୦୦ ଟଙ୍କା ପୋଲିସ ଜବତ କରିଥିଲେ । ଏହି ଚଢ଼ାଉରେ ଆଇ ଆଇ ସି ଠାକୁର ଦାସ ମୁର୍ମୁ, ଏସ ଆଇ ଦୀପକ କୁମାର ବାରିକ, ଏ ଏସ ଆଇ କେଶବ ନନ୍ଦ ହୋତା, କନେଷ୍ଟେବଲ ଚୈତନ୍ୟ କଲେତ, ରଘୁନାଥ ନାଏକ, ସେବତୀ ଭୋଇ, ଗୃହରକ୍ଷୀ ଦେବାର୍ଚ୍ଚନ ନିଆଲ୍ ସଞ୍ଜୟ ପ୍ରଧାନ, ଜୟଲାଲ ସାହୁ ସମେତ ଓଏସଏପି ଯବାନ ସାମିଲ ଥିଲେ । (ରିପୋର୍ଟ – ନିରଞ୍ଜନ ତ୍ରିପାଠୀ ।)