ଗୁଡିପାଲି ଖେଳକୁ ନେଇ ହତ୍ୟା ଘଟଣାର ଅଭିଯୁକ୍ତ ଗିରଫ ।

କବିସୂର୍ଯ୍ଯ ନଗର,୧୧/୦୯(ପିପିଟି); କବିସୂର୍ଯ୍ଯ ନଗର ବ୍ଲକ୍ ଅନ୍ତର୍ଗତ ବୁଢାମ୍ବ ପଞ୍ଚାୟତର ଏମ୍ .ଚମ୍ପେଇତପୁର ଗାଁ ରେ ସେପ୍ଟେମ୍ବର ୫ ତାରିଖ ଦିନ ଗୁଡିପାଲି ଖେଳକୁ ନେଇ ନିଜର ସଂପର୍କୀୟ ଭାଇକୁ ଛୁରୀରେ ହତ୍ୟା କରିଥିଲା ଅଭିଯୁକ୍ତ ନୃସିଂହ ଗୌଡ । ବାବୁଲା ଗୌଡକୁ ଛୁରୀରେ ଆକ୍ରମଣ କରିବା ପରେ ଅଭିଯୁକ୍ତ ନୃସିଂହ ଗୌଡ ଫେରାର ହୋଇଯାଇଥିଲା । ଏହି ଘଟଣାରେ ପୁଲିସ ଥାନା କେସ୍ ନମ୍ବର ୨୪୧/୨୦,ଦଫା ୩୦୨ ଅନୁଯାୟୀ ମାମଲା ରୁଜୁ ହୋଇଛି ।ଅଭିଯୁକ୍ତ ନୃସିଂହ ଗୌଡ(୨୪)କୁ କବିସୂର୍ଯ୍ଯ ନଗର ପୁଲିସ ଗିରଫ କରି କୋର୍ଟ ଚାଲାଣ କରିଛି ଏବଂ ହତ୍ୟା କାଣ୍ଡରେ ବ୍ଯବହୃତ ଛୁରୀକୁ ଜବତ କରାଯାଇଛି । ଏହି ଘଟଣା ସଂପର୍କରେ ସାମ୍ବାଦିକ ସମ୍ମିଳନୀରେ ଏସଡିପିଓ ସୀମା ସ୍ବାଇଁ ସୂଚନା ଦେଇଛନ୍ତି । ଥାନା ଅଧିକାରୀ ପ୍ରଭାତ କୁମାର ସାହୁ ମଧ୍ୟ ସମ୍ମିଳନୀରେ ଉପସ୍ଥିତ ଥିଲେ । (ରିପୋର୍ଟ – ଉମା ଚରଣ ପଟ୍ଟନାୟକ ।)