କବିସୂର୍ଯ୍ୟ ନଗର ବ୍ଳକରେ ନାମାଙ୍କନପତ୍ର ଦାଖଲ ଶେଷ, ୪ ସମିତି ସଭ୍ଯ ଅପ୍ରତିଦ୍ବନ୍ଦୀ।

କବିସୂର୍ଯ୍ୟ ନଗର, ୨୧/୦୧ (ପିପିଟି): କବିସୂର୍ଯ୍ୟନଗର ବ୍ଲକର ୨୧ଟି ପଞ୍ଚାୟତ ପାଇଁ ନାମାଙ୍କନ ପତ୍ର ଦାଖଲ ଶେଷ ହୋଇଛି। ୪୭୨ ଜଣ ୱାର୍ଡ ସଭ୍ଯ ପାଇଁ ପ୍ରାର୍ଥୀପତ୍ର ଦାଖଲ କରିଥିବା ବେଳେ, ୯୦ ଜଣ ସରପଞ୍ଚ ଓ ୬୨ ଜଣ ସମିତି ସଭ୍ଯ ପାଇଁ ନାମାଙ୍କନ ଦାଖଲ କରିଛନ୍ତି। ଆସିକା ବିଧାନସଭା ଅଧିନରେ ଯାଉଥିବା ୧୨ଟି ପଞ୍ଚାୟତ ମଧ୍ଯରୁ ୪ଟି ଆମ୍ବପୁଆ, କନିଆରୀ, ନନ୍ଦିଆଗଡା ଓ ସୁନାପଲ୍ଲୀ ପଞ୍ଚାୟତର ସମିତି ସଭ୍ଯ ଅପ୍ରତିଦ୍ବନ୍ଦୀ ରହିଥିବା ଜଣାପଡିଛି। ନାମାଙ୍କନ ପ୍ରତ୍ଯାହାର ସୁଦ୍ଧା ଆହୁରୀ ୨ ରୁ ୫ ସମିତି ସଭ୍ଯ ଅପ୍ରତିଦ୍ବନ୍ଦୀ ହେବାର ସମ୍ଭାବନା ରହିଛି। କବିସୂର୍ଯ୍ୟନଗର ବ୍ଲକରେ ବିଜେଡିର ଏକ ତରଫା ବିଜୟୀ ହେବାର ସୁନିଶ୍ଚିତ। ବିରୋଧୀ ଦଳ ଗୁଡିକ ସରପଞ୍ଚ ଓ ସମିତି ସଭ୍ଯ ଲିଢିବା ସ୍ଥିତିରେ ନାହାଁନ୍ତି। କବିସୂର୍ଯ୍ୟ ନଗର ବ୍ଲକର ୨୧ ଟି ପଞ୍ଚାୟତ ମଧ୍ଯରୁ ୧୨ ଟି ଆସିକା ବିଧାନସଭା ଏବଂ ୯ ଟି ପଞ୍ଚାୟତ କବିସୂର୍ଯ୍ୟନଗର ବିଧାନସଭା ଅଧିନରେ ଯାଉଛି। ୨୦୧୭ ରେ ଅଧ୍ଯକ୍ଷ ପଦ କବିସୂର୍ଯ୍ୟନଗର ବିଧାନସଭାରୁ ହୋଇଥିବା ବେଳେ ଏଥର ଅଧ୍ଯକ୍ଷ ପଦ ଆସିକା ବିଧାନସଭା କ୍ଷେତ୍ରରୁ ହେବାର ନିଶ୍ଚିତ ହୋଇଯାଇଛି।

(ରିପୋର୍ଟ- ଉମାଚରଣ ପଟ୍ଟନାୟକ/ ସପ୍ନେଶ୍ବର ପାଣିଗ୍ରାହୀ )