କଂଗ୍ରେସର ଆଶାୟୀ ପ୍ରାର୍ଥୀ ଲୋକଙ୍କ ନିକଟତର ହେବା ପାଇଁ ଉଦ୍ୟମ ।

ତିର୍ତ୍ତୋଲ,୨୩/୦୯(ପିପିଟି); ତିର୍ତ୍ତୋଲ ଉପନିର୍ବାଚନ ପାଖେଇ ଆସୁଥିବା ବେଳେ କଂଗ୍ରେସ ଦଳରୁ ଆଶାୟୀ ପ୍ରାର୍ଥୀ ଇଂ ହିମାଂଶୁ ଭୂଷଣ ମଲ୍ଲିକ ଲୋକଙ୍କ ନିକଟତର ହେବା ପାଇଁ ବିଭିନ୍ନ କାର୍ଯ୍ୟକ୍ରମ ଆରମ୍ଭ କରିଛନ୍ତି । ଗତକାଲି କଟରା ପଞ୍ଚାୟତର ମର୍ଦୋଳ ଗ୍ରାମରେ ରାତ୍ରି ଯାପନ କରିବା ଓ ଆଜି ସକାଳ ସମୟରେ ଏହି ପଂଚାୟତର ମୁଖ୍ୟ ବଜାର ଅଂଚଳ ତଥା ଚିକିତ୍ସାଳୟ,ପଂଚାୟତ କାର୍ଯ୍ୟାଳୟ ସମ୍ମୁଖରୁ ଅଳିଆ ଆବର୍ଜ୍ଜନା ସଫେଇ କରୁଥିଵା ଦେଖିବାକୁ ମିଳିଛି । ତିର୍ତ୍ତୋଲ ବ୍ଲକ ଅନ୍ତର୍ଗତ ଗରାମ ଗ୍ରାମର ଏହି ଯୁବନେତା ବିଗତ ଦିନରେ ମଧ୍ୟ ଏହିପରି ସମାଜ ସେବା କାର୍ଯ୍ୟ କରିଆସୁଥିବା ଲୋକଙ୍କ ପାଖରୁ ଶୁଣିବାକୁ ମିଳେ । ଆଜିର ଏହି ସଫେଇ କାର୍ଯ୍ୟରେ ଲକ୍ଷ୍ମୀ ଧର ନାୟକ(କୁନିଆ), ପୂର୍ବତନ ସରପଞ୍ଚ ରାଜକିଶୋର ସ୍ଵାଇଁ,ଅଜୟ ବେଉରା, ବେଣୁଧର ଵିଶ୍ଵାଳ,ପ୍ରୀତିରଂଜନ ସ୍ଵାଇଁ, ଦେବେନ୍ଦ୍ର କିଶୋର ମଲ୍ଲିକ,ରାକେଶ କୁମାର ସ୍ବାଇଁ, ଶଙ୍କର୍ଷଣ ଦାସ,ଶରତ କୁମାର ବେଉରାଙ୍କ ସହ ପାଖାପାଖି ୫୦ଜଣ ଛାତ୍ର ଓ ଯୁବକ ହିମାଂଶୁ ଭୂଷଣ ମଲ୍ଲିକଙ୍କୁ ସହଯୋଗ କରିଛନ୍ତିି । ଯେକୌଣସି ସମାଜସେବା କାର୍ଯ୍ୟରେ ନିଜକୁ ସମର୍ପିତ କରିବା ପାଇଁ ଆଗେଇ ଆସିବାକୁ ଏହି ଯୁବନେତା ଅନୁରୋଧ କରିଛନ୍ତି । (ରିପୋର୍ଟ – ସୁକାନ୍ତ କୁମାର ମହାନ୍ତି ।)